Erraustegia ez egiteko eskatu du Oriarte BHIk
Kezka. Hori da Oriarte BHI institutuko ikasle, irakasle eta langileek behin eta berriro darabiltzen hitza. Kezka, ikusten dutelako Zubietako erraustegiaren lanak aurrera doazela. 'Errausketarik ez, birziklatzea bai' lelopean, eskatu dute azpiegitura horren obrak geratzea

Oriarte BHI institutuko ikasle, irakasle eta langileek urteak daramatzate ohitura osasungarriak lantzen, euren inguruaren kalitatea zaintzen. Argi dute hori dela bidea euren eta ondorengo belaunaldien bizimodu egokia ziurtatzeko. Baina "kezkatuta" daude. Kezkatuta, ikusten dutelako euren eskolatik gertu erraustegi bat ari direla eraikitzen: "Egindako bidean atzera egitea da, guk urtetan egindako lana alferrikako bihurtzea", adierazi dute. Errausketarik ez, birziklatzea bai lelopean, hainbat afixa eta haize errota koloredun eskuetan hartu, eta eskatu dute azpiegitura horren lanak etetea. Zubietako erraustegia ez egitea. "Behin eta berriro eskatuko dugu".

"Agintariek jarraitzen dute bultzatzen inork nahi ez duena; itsututa daude, beste herrialdeetan baztertzen ari direlako hondakinak kudeatzeko modu hori". Arduratuta dago Oriarte BHI, herritarren iritzi eta usteak "isilarazten" saiatzen ari direlako agintariak.

Intxaurrandieta eta Errazkinen aldeko kazerolada

Oriarte BHIk egindakoa ez da izan aste honetako erraustegiaren aurkako ekintza bakarra. Ostegun arratsaldean, 20:15ean, hainbat lasarteoriatarrek hartu zuten parte Ainhoa Intxaurrandietari eta Iñaki Errazkini elkartasuna adierazteko kazerolada ozenean. GHK kontsorzioko buruzagi ohiek akordio bat hitzartu zuten 2013an, erraustegiaren lanak gerarazteko. Erabaki horren harira, auzipetuta daude orain; Espainiako Kontuen Auzitegian deklaratu zuten biek, ostegunean. 46 milioi eurorainoko zigor ekonomikoa jaso dezakete. "Aukera guztiak aztertu ostean, lanen kontratua etetea zen aukera bakarra", adierazi zuen Intxaurrandietak. Errazkinek adierazi zuen "guztiz defizitarioa" izango litzatekeela erraustegia eraikitzea. Horretan dihardute gaur egungo agintariek, herritar askoren iritzia guztiz aurkakoa bada ere.

ARGAZKIAK
blog comments powered by Disqus
OHARRAK
  • Hernani bidea itxiko dute
    Aurrera doaz Zabaleta Berriko lanak. Jarraitzeko, ordea, Hernaniko bidea itxiko dute. Lanen zuzendariak Txintxarri-ri azaldu dionez, hurrengo astetik aurrera itxiko dute bide hori. Hain zuzen, Pepenea baserria eta Hernaniko muga bitartean egongo da itxita. Baimena eskatu dute dagoeneko udalean, eta jaso bezain pronto itxiko dute errepidea. Ondorioz, astelehenean edo, beranduenez, asteartean ezin izango da errepide hori erabili. Bide alternatiboak jakinarazteko seinaleak jarriko dituzte. Hilabete pare bat behintzat egongo da itxita. Lanetako zuzendariak azaldu duenez, baimena iraila bukaera arte eskatu dute, baina litekeena da lehenago amaitzea.
Lasarte-Oria
Gaur ez dago ekitaldirik Lasarte-Orian.
AZKEN PDFa
1431 ( Uztailak 27 )
GUARDIAKO FARMAZIAK
Gil ( Asteartea)
Kale Nagusia 24
Tel: 943 361529
ASTEA
    • Lasa ( Asteazkena )
      Kale Nagusia 42 atzea
      943 361774
    • Urbistondo ( Osteguna )
      San Frantzisko 1
      943 366567
    • Gandarias-Uribe ( Ostirala )
      IƱigo de Loyola 9
      943 019521
    • De Miguel ( Larunbata )
      Kale Nagusia 32
      943 371151
    • De Miguel ( Igandea )
      Kale Nagusia 32
      943 371151
    • Orue ( Astelehena )
      Jaizkibel plaza 2
      943 362652
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48