Erabaki dutenen testigantzak entzungai
'Nik jada erabaki dut' mahai ingurua antolatu du Lasarte-Oriako Gure Esku Dagok, datorren asteazkenerako, hilak 11, Antonio Mercero aretoan. Joanes Maiza, Marisa Martin, Joxe Mari Izeta eta Ismael Oiartzabal herritarrek hitz egingo dute. 19:00etan hasiko da saioa

Bizitzako esparru askotan aplika daiteke erabakitzeko eskubidea. Zergatik eta zertarako erabaki? galdera askotan egiten diogu gure buruari. Hala egin dute hainbat herritarrek ere; eman dute erabakitzeko urratsa. Hori baliatuz, Joanes Maiza, Marisa Martin, Joxe Mari Izeta eta Ismael Oiartzabal (Suitzatik ariko da azken hau) lasarteoriatarrak gonbidatuko ditu Gure Esku Dagok Mercero aretora, haien esperientzien berri eman dezaten. 19:00etan hasiko da Nik jada erabaki dut mahai ingurua. Erabakitzeko eskubidearen inguruan ari da hausnartzen taldea, herritarrekin batera; aurten antolatzen duen bigarren ekitaldia izango da hori.

Joanes Maiza izango da datorren asteazkeneko hizlarietako bat. Goiener kooperatiban sartu, eta energia banatzeko eredu alternatiboa aukeratu du. Eremu horretan aplikatu du erabakitzeko eskubidea. Pentsioduna da Marisa Martin: hainbat emakume ahaldundu ditu urteotan, eta Lasarte-Oria herri bilakatu zenean (1986an) zinegotzi izan zen. Hondakinen kudeaketaren gaiari hainbat buelta eman dizkio Joxe Mari Izetak; irtenbide partehartzailea emate aldera, Hitzartu plataforman ari da lanean, buru-belarri. Azkenik, Genevan bizi den Ismael Oiartzabalek Suitzako erreferendumen kultura ekarriko du Mercero aretora, Suitzatik bertatik.

Maiatzaren 19an, proposamenak plazara

Arestian esan bezala, erabakitzeko eskubidea, zergatik eta zertarako? galderaren bueltan ari da hausnartzen Gure Esku Dago, herritarrekin batera. Berriketan saioa antolatu zuen martxoan; Juanjo Alvarez nazioarteko zuzenbidean katedradunarekin aritu ziren solasean, kultur etxeko hitzaldi aretoan. Apirilaren 11ko mahai ingurua bigarren ekitaldia izango da. Maiatzaren 19an, larunbatez, gogoetatik ateratako proposamenak aurkeztuko dituzte herritarrek, ekitaldi batean. Eta, azkenik, ekainaren 10ean, ideia horiek eremu politikora bideratuko dira, giza-kate nazionalean.

ARGAZKIAK
blog comments powered by Disqus
OHARRAK
  • Gazteen entsegu-lokalei buruzko bilera
    Lasarte-Oriako Udalak Gaztelekuan dauden entsegu-lokalen eskaera egin dute taldeak uztailaren 27an, arratsaldeko 18:30ean bilera bat egitera deitu ditu. Bileran lokalen erabilerari buruzko azalpenak eta entseguen egutegi eta ordutegia osatuko da.
  • Lasartearra elkarteko bazkidearen eguna
    Lasartearra elkarteak bazkidearen eguna antolatu du uztailaren 31n, San Inazio egunean: 11:30ean, txakolina edango da elkartean. 11:45ean, zendutako bazkideak gogora ekarriko dituzte ekitaldi xume batekin. Ostean, txupina eta auzoko tabernatan poteoa egingo dute, trikitilariek lagunduta. 14:30ean, bazkaria izango da elkartean. Bazkarian parte hartzeko bazkideek izena eman eta 20 euro ordaindu behar dituzte. Inskripzioa uztailaren 26a baino lehen egin behar da Lasartearra elkarteko bulegoan.
  • Hernani bidea itxiko dute
    Aurrera doaz Zabaleta Berriko lanak. Jarraitzeko, ordea, Hernaniko bidea itxiko dute. Lanen zuzendariak Txintxarri-ri azaldu dionez, hurrengo astetik aurrera itxiko dute bide hori. Hain zuzen, Pepenea baserria eta Hernaniko muga bitartean egongo da itxita. Baimena eskatu dute dagoeneko udalean, eta jaso bezain pronto itxiko dute errepidea. Ondorioz, astelehenean edo, beranduenez, asteartean ezin izango da errepide hori erabili. Bide alternatiboak jakinarazteko seinaleak jarriko dituzte. Hilabete pare bat behintzat egongo da itxita. Lanetako zuzendariak azaldu duenez, baimena iraila bukaera arte eskatu dute, baina litekeena da lehenago amaitzea.
AZKEN PDFa
1430 ( Uztailak 20 )
GUARDIAKO FARMAZIAK
Acha-Orbea ( Larunbata)
Hipodromo etorbidea 6
Tel: 943 363549
ASTEA
    • Acha-Orbea ( Igandea )
      Hipodromo etorbidea 6
      943 363549
    • De Miguel ( Astelehena )
      Kale Nagusia 32
      943 371151
    • Lasa ( Asteartea )
      Kale Nagusia 42 atzea
      943 361774
    • Gil ( Asteazkena )
      Kale Nagusia 24
      943 361529
    • Acha-Orbea ( Osteguna )
      Hipodromo etorbidea 6
      943 363549
    • Gandarias-Uribe ( Ostirala )
      IƱigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48