Gorputza edo trebeziak landu ahal izateko hainbat ikastaro ditu udazken honetan Emakumeen Zentro Zibikoak.
Ordaindu beharreko saioak dira: biodantza, antzerkia, yoga, eskulan, ehoziri, Tai-Xi, sabel-dantza eta hipopresiboak. Kantua, jantzi konponketa eta patroiak, bitxien tailerra, emakumeen arteko elkarrizketak, orratz-lanak, batuka eta euskara txokoa berriz, doako ikastaroak dira.
Bestelako ekintzak ere antolatu dira hilabete hauetan: sormenezko idazkera genero ikuspegitik, sexualitateaz hizketan, emozioak kudeatzeko tailerra, bikoteentzako hazkunde erotikoa, autoestimua, zaintzaren bitartez gorputz lanketa eta zentra-t, mugimendutik isiltasunera.
Zentroko arduradunek jakiera ematen dutenez, jarduera guztiek berdintasun edukiak, ahalduntze prozesuak eta indarkeria matxistaren prebentzioa lantzeko talde-dinamika dute. Era berean, Lasarte-Oriako Udalak euskararen erabilera bultzatzeko onartua duen planean adostutako hizkuntza-jokabideak jarraituko dira.
Izena eman edo informazio gehiago nahi izanez gero, Zentro Zibikora hurbildu behar da 9:30etik 13:30era eta 15:30etik 19:30era. www.lasarte-oria.eus orrialdean ere eskuragarri dago informazioa. Bihar amaitzen da inskripzio epea.
Dauden plazak baino pertsona gehiago izena emanda dauden ikastaroetan, zozketa bidez esleituko dira plazak. Irailaren 8an, 12:00etan, egingo da zozketa Emakumeen Zentroan.