Preso lasarteoriatarrei "elkartasuna, gertutasuna eta babesa", Okendo plazan
Lasarte-Oriako Sare hasi da herritarrak aktibatzen. Errezitaldi kulturala prestatu du Okendo plazan, kartzela dauden preso lasarteoriatarren egoeraren berri emateko. Datorren asteko igandean, hilak 20, Santa Barbaran egingo dute ekitaldia, 12:00etan

Buruntzaldeako Sare (Lasarte-Oriakoa tartean, jakina) hasi da herritarrak esnatzen. "Jendarte aktibo batekin, gertuago egongo da larriki gaixo dauden presoak ateratzea, bizi arteko zigorrak amaitzea eta lehen gradua ez aplikatzea". Buruntzaldeako ia 30 euskal preso daude barrote artean gaur egun. Horietatik lau dira Lasarte-Oriakoak: Aitzol Iriondo, Ibon Fernandez Iradi, Javi Gallaga eta Santi Arrozpide. Euskal Herritik urrun daude guztiak. Atzoko errezitaldi kulturalarekin, besteak beste, haien egoeraren berri eman zuen Sarek, eta "elkartasuna, gertutasuna eta babesa" adierazi. Datozen egun eta asteetan segituko du ekintzekin: datorren asteko igandean, hilak 20, beste errezitaldi bat antolatu du, Santa Barbaran, 12:00etan. Lasarteoriatarrak 10:30ean deitu dituzte, San Pedro eliza ondoko plazan. Bertatik abiatuko dira Santa Barbararantz.

Frantzian daukate preso Aitzol Iriondo, herritik 700 kilometrora, Alpeetatik gertu. Ahaide eta lagunen bisitak jasotzean, "kultura" izaten dute hizpide, Beñat anaiak ekitaldian kontatu duenez. "Une horietan sentitzen dugu espetxetik at gaudela, aske, berarekin, baina ez da horrela. Aske izatea da presoaren helburu nagusia; horrelako ekitaldiek bere animoak suspertu eta indartzen dituzte, oso garrantzitsua da hori". 100 bat kilometro urrunago, Lannemezango espetxean dago Ibon Fernandez Iradi. Esklerosi anizkoitza dauka, eta larriki gaixo dago. Eskutitz bat idatzi du espetxetik, herritarrentzat, bere egoeraren berri emanez. Donetz Iradik plazaratu ditu Ibonek idatzitakoak. Herritarrak jakinarazi duenez, "larriagotu" egin zaio gaixotasuna. "Zazpi urte daramatzat esklerosi anizkoitzarekin; aurreneko sintomak eduki eta bi urtera diagonostikatu zidaten. Esklerosia ezin daiteke ongi artatu espetxe barruan; pertsona arrunt batek sei hilabetean behin edukitzen du zita neurologoarekin, gutxi gorabehera. Nik lau urte itxaron behar izan nituen". 

Lasarte-Oriako presoen egoeraren berri eman aurretik, Sareko kideek sarreratxoa egin zuten, eta ekitaldia musikarekin girotu, zeharkako flauta joz. Aitzol Iriondo eta Ibon Fernandez Iradiren berri jakin ostean, dantza ikuskizunaz gozatu zuten plazara bertaratutakoek. Borobilean jarri, eta dozena bat herritar hasi ziren dantzan. 

Etenalditxo horren ostean, Maider Galardik hartu zuen hitza. Duela urte eta erdi ezagutu zuen Javi Gallaga, eta, ordutik, behin baino gehiagotan bisitatu du (Kordoban daukate preso Gallaga, Lasarte-Oriatik 800 kilometrora). "Gazteok herrian egiten dugunaren berri ematen diogu; guretzat gogorra da espetxea barrutik nolakoa den ezagutzea, baina irakaspena ere bai". Duela hamahiru urtetik dago Kordobako espetxean, eta bertako baldintzak "oso txarrak" direla aipatu du Galardik: "Lehen gradu gogor batean dago". Santi Arrozpideren izenean Pello Lizarraga herritarrak hartu du mikrofonoa. "Eskerrak eman nahi dizkie Santik herrikideei, gisa honetako ekitaldiak antolatzeagatik". Egoera pertsonalari dagokionean, Arrozpidek nahiago du aurrez aurre hitz egin. "Nire berri jakin nahi duenak, jo dezala nire atea, eta ikusiko dugu zeri buruz hitz egin dezakegun".

Hasi eta buka, emanaldi kulturalak eta preso lasarteoriatarren gertuko pertsonen testigantzak uztartu zituen Sarek. Literatur Txokoko kideek Joseba Sarrionandiak idatzitako "Hemen gaude" testua irakurri zuten (Ken Zazpi taldeak musika ere jarri zion, 'Ortzemugak begietan' diskan), eta Porrotx pailazoak ere hartu zuen parte errezitaldian.

ARGAZKIAK
BIDEOAK
blog comments powered by Disqus
OHARRAK
  • Haurrei lehen sorospenak egiteko ikastaroa
    Gurutze Gorriak umetxo eta haurrei oinarrizko lehen sorospen ikastaro egiteko ikastaroa antolatu du otsailaren 2 eta 3an. Saioak 9:00etatik 14:00etara izango dira Lasarte-Oriako Gurutze Gorriko ikasgelan. 10 orduko ikastaroa da eta helduak zein haurrak edozein egoeratan sorosten irakatsiko da. Prezioa 45 eurokoa da eta plazak mugatuak dira. Izena emateko edo ikastaroari buruz informazio gehiago jasotzeko bidali mezua lasarte@cruzroja.es helbidera edo deitu 607 573 335 telefono zenbakira.
  • II. Bidaien diaporama lehiaketa
    Urnietako Gazte Informazio puntuak II. Bidaien diaporama lehiaketa jarri du abian. Lehen sarituak 300 euro eskuratuko ditu. Buruntzaldeako udaletako gazteek parte hartu dezakete, betiere, 2003 urtea baino lehenago jaiotakoak badira. Diaporamak 2011 urte ondorengo bidai bati buruzkoa izan behar du. Ikus-entzunezko materialarekin osatuko da eta 30-45 minutuko ahozko aurkezpena izango du. Aurkezpenak banaka edo taldean egingo dira. Taldeko gehienez 4 parte hartzaile izango dira. Izena emateko eta lanak aurkezteko epea urtarrilaren 25ean amaituko da. Izena ematea Lekaio kultur etxean, zein Gazte Informazio Puntuan edo Urnietako udalaren webgunean egin daiteke.
  • Meka Leku - Memoria liburua
    Aurten, 2019an, Meka Leku akademiak 25 urte betetzen ditu ateak lehen aldiz zabaldu zituenetik. Ospatzeko, hainbat ekitaldiren artean, 'Memoria' liburu bat sortu nahi du, Meka Lekuko ikasle ohien esperientziak, bitxikeriak edo pasadizoak biltzen dituena. Horretarako, honako posta elektronikoa ireki du: nimekalekun@gmail.com. Anima zaitez, eta kontatu nahi duzuna; zure oroitzapenak, bitxikeriaren bat... ahaztu ez duzun zerbait, ikasitakoa.
  • Biyak Bat elkartea Parisera
    Biyak Bat elkartea bidaia antolatu du Parisera, maiatzaren 28tik ekainaren 4ra arte. Elkarteko bazkideek 800 euro ordaindu beharko dituzte eta bazkide ez direnek, 875 euro. Plazaren erreserba egitea 200 euro balio du. Izena ematea abenduaren 26an irekiko da. Elkarteko bulegoan izena eman behar da, 10:00etatik 12:30era.
Lasarte-Oria
Gaur ez dago ekitaldirik Lasarte-Orian.
ZORION AGURRAK
BEÑAT
Zorionak politta! Bi muxu handi familia guztiaren partetik!
AZKEN PDFa
1448 ( Urtarrilak 18 )
GUARDIAKO FARMAZIAK
Urbistondo ( Astelehena)
San Frantzisko 1
Tel: 943 366567
ASTEA
    • Gandarias-Uribe ( Asteartea )
      Iñigo de Loyola 9
      943 019521
    • Orue ( Asteazkena )
      Jaizkibel plaza 2
      943 362652
    • De Miguel ( Osteguna )
      Kale Nagusia 32
      943 371151
    • Lasa ( Ostirala )
      Kale Nagusia 42 atzea
      943 361774
    • Gil ( Larunbata )
      Kale Nagusia 24
      943 361529
    • Gil ( Igandea )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48