Ekonomia sozialaren politika aplikatzeari uko
Udako Txokoak adibide hartuta, udal kontratuetan ekonomia sozialaren irizpideak aplikatzeko eskaera egin du EH Bilduk, baina udalbatzar taldearen babesik jaso ez, eta bertan behera geratu da mozioa. Pentsionisten eskaera aho batez babestu dute

Udalaren kontratazioetan dirua herritarrei ematen zaien zerbitzuaren kalitateari gailentzen zaiola salatu du Lasarte-Oriako EH Bilduk astearteko udalbatzarrean. Horren adibide gisa jarri dute Udako Txokoen  gaia. Dirudienez, diru etekina lortzeko asmoa duen "enpresa multinazional" baten esku geratuko dira txokoak, horiek eskaintza ekonomiko merkeagoa egin baitute. Horren aurrean, gizartearen beharrizanak lehenetsiko dituen ekonomia sozialaren irizpideak jarraitzeko eskaera egin die udal gobernu taldeko alderdiei. Hemendik aurrerako udal kontratazioetan  balorazio ekonomikoari %30eko pisua ematea proposatu du EH Bilduk.

Proposamenak, ordea, ez du udaleko alderdien babesik jaso.  Ahal Du Lasarte-Oria Puedeko (ADLOP) Arkaitz Naya txokoekin gertatu denarekin "penatuta"agertu da, horrek Lasarte-Orian ondorio "negatiboak" izango dituelako. EH Bilduk proposatutako balorazio kopurua aztertu egin behar dela argudiatuta abstenitu egin da.

EAJk eta PSE-EEk, berriz, mozioaren aurka egin dute. Azken horrek azaldu du azken lizitazioak udaleko kontratazio guztiak Udako Txokoek izan duten balorazio berbera izan dutela. Ez dira bat etorri alderdi ekonomikoari %30eko balioa ematearekin. "Horrela egingo balitz, adituen mahaia osatu beharko genuke, eta horrek lan gehiago eskatuko luke prozesuan". Babesik jaso gabe, mozioa bertan behera geratu da.

Lasarte-Oriako arau subsidiarioetan A.33 Teresategi eremuari eta Donostiako AÑ.10 Errekalde eremuari Hiri Antolamenduaren Plan Orokorrari dagokionez, bi udalerriak bateragarri egiteko plana tramitatzeko hitzarmenaren onarpena eztabaidatu dute. EH Bildurentzat "deigarria" da hitzarmenaren tramitazioa. Teresategin Leroy Merlin eraikiko dute, eta horrek "ez die herritarren beharrei erantzuten". PSE-EEk, berriz, Teresategiko proiektuak lanpostuak sortuko dituela oroitarazi du. "Bertara iristeko herritarrei erraztasunak emateko beharrari erantzuten dio hitzarmenak". PSE-EEren eta EAJren aldeko bozekin aurrera egin du gaiak. 

Autoentzat aparkalekuak 

Aparkamenduen inguruko parte hartze prozesu eskaera luzatu du EH Bilduk. Udal gobernuak bi urtetan gaia lantzeko prozesurik egin ez duela azaldu du. Gainera, salatu du zerbitzuetako batzordean bi alderdiek adostutako akordioa (diru sorta bat gordeko zela parte hartze prozesua egiteko) ez dutela bete.

PSE-EEk, berriz, udal teknikariek egindako azterketan aparkalekuen "superabita" dagoela ebatzi du, eta horregatik bozkatu dute aurka. EAJk eta ADLOPek, berriz, babestu egin dute EH Bilduren mozioa, eta bederatzi botorekin aurrera egin du.

Pentsiodunen gaiak ere izan du hizketarako tartea asteartean. Izan ere, Lasarte-Oriako Pentsionisten Koordinakundeak mozio bat eraman du estatuko koordinakundeak egindako aldarrikapenaren alde, eta aho batez onartu dute.

Familientzako eskola materiala erosteko diru laguntzen oinarriak ere aho batez onartu dituzte, eta A.36 Zatarain eremuan kaleak izendatzeko proposamenak ere aurrera egin du, PSE-EEren, EAJren eta ADLOPen babesarekin. EH Bilduk abstenitu egin da. 

Herrian enpresa txikiak sortzen laguntzeko diru laguntzak emateko oinarriei ere alderdi guztiek eman diete babesa, baita udaleko langileen lan baldintzen marko arautzailearen aldaketari ere. 

Zerga ordaintzeari ihes egin dioten iruzurgileen kasuak argitara atera dituen Herve Falcianiren estradizioaren aurka mozio bat ekarri du ADLOPek, baina EH Bilduren babesa besterik ez du izan; hortaz, ez du aurrera egin. PSE-EEk, ordea, emendakin alternatiboa jarri du mahai gainean, eta EAJren babesarekin onartu dute.

ARGAZKIAK
blog comments powered by Disqus
OHARRAK
  • Erketzen urteurren bazkaria
    Erketz EDT urriaren 21ean bere 50. urteurreneko bazkaria antolatu du, Michelin kirol guneko pilotalekuan. Bazkari gozoa dastatzeko txartelak salgai daude Patricio tabernan, Mendi-Rock tabernan eta Ormazabal lora-dendan. Haurren bazkariko txartelak, 15 euro balio ditu; helduenak berriz, 35 euro. Urriaren 5era arte izango dira eskuragarri.
  • Biyak Baten txangoa
    Biyak-Bat erretiratuen elkarteak irailaren 26an Fríasera, Burgosera irteera antolatu du. Autobusa 8:00etan aterako da elkarte aurretik. Fríasen Erdi Aroko ibilbide gidatua egingo da. Honetan gaztelua eta eliza ezagutuko dituzte irteeran izena ematen dutenek. Bazkaria Ortiz jatetxean izango da. Izena ematea irailaren 17an, astelehena irekiko da. Astelehenetik ostiralera goizeko 10:30etik 12:30era dago izena emateko aukera elkarteko bulegoan. Bazkideek 35 euro ordaindu behar dituzte; bazkide ez direnek, berriz, 45 euro.
  • Adineko pertsonen omenaldiko bazkaria
    Adineko pertsonen omenaldi astearen barruan, urriaren 7an, igandea, bazkaria antolatu dute Michelingo Kirol gunean. 500 pertsonentzako lekua dago. Irailaren 5ean, asteazkenean, irekiko da txartelak eskuratzeko epea eta irailaren 25ean amaituko da. Biyak Bat elkarteko bulegoan goizez 10:30etik 12:30era egingo da banaketa eta 8 euro balio dituzte. Antolatzaileek eskudirutan ordaindu behar dela gogorarazten dute. Bazkariaz gozatu ahal izateko baldintzak Lasarte-Orian erroldatua egotea eta 1953 urtean edo lehenago jaioa izatea dira. Salbuespen dira 1953 urtearen ondoren jaiotako bikotekideak. Lasarte-Orian erroldatuak ez badaude, gainera, 29,15 euro ordaindu beharko dituzte.
  • Kiroldegiko neguko ordutegia
    Herriko kirol instalazioetan neguko ordutegia indarrean dago irailaren 1etik. Kiroldegia astelehenetik ostiralera 7:00etatik 22:30era egongo da irekia. Larunbatetan, 9:00etan irekiko ditu ateak eta 20:00etan itxi eta igandetan berriz, goizez soilik erabili ahalko dira instalazioak 9:00etatik 13:00etara. Kirol Guneko erabilera ordutegia astelehenetik ostiralera 15:30etatik 22:30era da. Larunbatetan goiz eta arratsaldez egongo da irekia, 9:00etatik 20:00etara eta igandetan kiroldegiaren antzera, goizez 9:00etatik 13:00etara.
ZORION AGURRAK
UNAX
Zorionak Unax!!! Ze zoriontsu egin gaituzun bederatzi urte hauetan, asko maite zaitugu! Aita, ama, Oier eta Maddi.
AZKEN PDFa
1434 ( Irailak 21 )
GUARDIAKO FARMAZIAK
Gil ( Ostirala)
Kale Nagusia 24
Tel: 943 361529
ASTEA
    • Orue ( Larunbata )
      Jaizkibel plaza 2
      943 362652
    • Orue ( Igandea )
      Jaizkibel plaza 2
      943 362652
    • Acha-Orbea ( Astelehena )
      Hipodromo etorbidea 6
      943 363549
    • Urbistondo ( Asteartea )
      San Frantzisko 1
      943 366567
    • Gandarias-Uribe ( Asteazkena )
      Iñigo de Loyola 9
      943 019521
    • Orue ( Osteguna )
      Jaizkibel plaza 2
      943 362652
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48