Dotore luzituko dira aurtengo abenduan
Urria eta azaroa josi eta josi igaro ostean, jantzi tradizionalen ikastoroko parte hartzaileek egindako lanak erakutsi dituzte. Trebezia handia erakutsi dute hari eta orratz artean, eta egindako jantziak luzitzeko garaia heldu zaie kurtsoa amaitzean

Mimoz, deitale bat bera ere ahaztu gabe, egin dituzte aurtengo jantzi tradizional ikastaroko jantziak. Batzuk jostera ohituta dauden arren, badira hari eta josteko makina artean ohitura gutxiago dutenak ere, baina hori ez da inondik inora oztopo izan lan dotoreak egiteko. Gogo eta ilusioari heldu, eta jantzi ederrak eginda amaitu dute ikastaroa.

Urrian ekin zioten ikastaroari, eta astean bi egunez (asteartetan eta ostegunetan), arratsaldeko 15:30etik 17:30era aritu dira lan eta lan. Emakumeen Zentro Zibikoan elkartu dira jostunak, eta Ione Artola hezitzaileak azaldu duenez, fin aritu dira: "Harrotasunez esan dezaket, oso txukun aritu direla lanean, eta talde giroa ere oso ona izan dugu". 

Parte hartzaileak ere oso gustura agertu dira, eta batek baino gehiagok nabarmendu du  ikastaroa amaitzeak "pena" eman diola.

Garai batekoak eta oraingoak
Geroz eta jantzi tradizional koloretsuagoak ikusi ohi dira gaur egun. Orain urte batzuk, ilunagoak, puntu eta loredunak izaten ziren ohiko jantziak, baina gaur egun, denetarik ikus daitekeela azaldu dute ikastaroko parte hartzaileek. "Badira betiko jantziari telak gehitu eta itxura aldatzen diotenak, baita traje koloredunak egiten dituztenak ere". 

Urtea hastearekin batera, Titare 
Jantzi tradizionalen ikastaroa atzo amaitu zen, baina josten jarraitzeko aukera izango da 2018an ere.

Ttakun Kultur Elkarteak, urteroko Titare ikastaro iraunkorra martxan jarriko du urtarrilaren 12tik aurrera. Ostegunetan izango dira saioak, 15:30etik 17:30erako ordutegian, eta bertan parte hartu nahi duenak, izena eman beharko du, Ttakun Kultur Elkartean, 943 37 14 48 edota 695 78 53 89 telefono zenbakietan.

ARGAZKIAK
blog comments powered by Disqus
OHARRAK
  • Biyak Baten txangoa
    Biyak-Bat erretiratuen elkarteak irailaren 26an Fríasera, Burgosera irteera antolatu du. Autobusa 8:00etan aterako da elkarte aurretik. Fríasen Erdi Aroko ibilbide gidatua egingo da. Honetan gaztelua eta eliza ezagutuko dituzte irteeran izena ematen dutenek. Bazkaria Ortiz jatetxean izango da. Izena ematea irailaren 17an, astelehena irekiko da. Astelehenetik ostiralera goizeko 10:30etik 12:30era dago izena emateko aukera elkarteko bulegoan. Bazkideek 35 euro ordaindu behar dituzte; bazkide ez direnek, berriz, 45 euro.
  • Adineko pertsonen omenaldiko bazkaria
    Adineko pertsonen omenaldi astearen barruan, urriaren 7an, igandea, bazkaria antolatu dute Michelingo Kirol gunean. 500 pertsonentzako lekua dago. Irailaren 5ean, asteazkenean, irekiko da txartelak eskuratzeko epea eta irailaren 25ean amaituko da. Biyak Bat elkarteko bulegoan goizez 10:30etik 12:30era egingo da banaketa eta 8 euro balio dituzte. Antolatzaileek eskudirutan ordaindu behar dela gogorarazten dute. Bazkariaz gozatu ahal izateko baldintzak Lasarte-Orian erroldatua egotea eta 1953 urtean edo lehenago jaioa izatea dira. Salbuespen dira 1953 urtearen ondoren jaiotako bikotekideak. Lasarte-Orian erroldatuak ez badaude, gainera, 29,15 euro ordaindu beharko dituzte.
  • Kiroldegiko neguko ordutegia
    Herriko kirol instalazioetan neguko ordutegia indarrean dago irailaren 1etik. Kiroldegia astelehenetik ostiralera 7:00etatik 22:30era egongo da irekia. Larunbatetan, 9:00etan irekiko ditu ateak eta 20:00etan itxi eta igandetan berriz, goizez soilik erabili ahalko dira instalazioak 9:00etatik 13:00etara. Kirol Guneko erabilera ordutegia astelehenetik ostiralera 15:30etatik 22:30era da. Larunbatetan goiz eta arratsaldez egongo da irekia, 9:00etatik 20:00etara eta igandetan kiroldegiaren antzera, goizez 9:00etatik 13:00etara.
ZORION AGURRAK
NAHIA ETA MIREN
7 muxu potolo aitatxo eta amatxoren partetik!
AZKEN PDFa
1433 ( Irailak 14 )
GUARDIAKO FARMAZIAK
Lasa ( Osteguna)
Kale Nagusia 42 atzea
Tel: 943 361774
ASTEA
    • Gil ( Ostirala )
      Kale Nagusia 24
      943 361529
    • Orue ( Larunbata )
      Jaizkibel plaza 2
      943 362652
    • Orue ( Igandea )
      Jaizkibel plaza 2
      943 362652
    • Acha-Orbea ( Astelehena )
      Hipodromo etorbidea 6
      943 363549
    • Urbistondo ( Asteartea )
      San Frantzisko 1
      943 366567
    • Gandarias-Uribe ( Asteazkena )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48