Bizipen ederrak euskaraz biziz igaro dute uda
Harrera ezinhobea izan dute 'Mingaina Dantzan' udalekuek. Lasarte-Oriako Ttakun Kultur Elkartea arduratu da ekintzak antolatzeaz. Eremu euskaldunetako haurrak eremu hain ez euskaldunetakoekin nahastu dituzte, haien artean euskara sustatzeko

Gazteen artean euskararen erabilera sustatzeko helburua dute Mingaina Dantzan udalekuek. Amaitu berri dute lehenengo edizioa eta oso balorazio ona egin dute antolatzaileek.

Herriko Ttakun Kultur Elkartea aritu da antolakuntza lanetan, Eusko Jaurlaritzarekin, EUDELekin, UEMArekin eta Ebete enpresarekin batera. Azken honetako arduradunak –Iñaki Eizmendi herritarrak– begirale eta koordinatzaileei formakuntza saioak eskaini dizkie. Eremu soziolinguistiko ezberdinetatik datozen gazteen artean euskara sustatzeko teknika eta estrategiak landu zituzten horietan.

Izan ere, eremu euskaldun eta ez hain euskaldunetako 13 eta 14 urteko 29 gaztetxo elkartu dituzte udaleku horietan. Eguneroko bizimoduan euskara entzutera ohituak daudenak, proportzioan, gehiago izan dira, elkarrizketa euskaldunak sustatze asmotan. Hala, Gasteiz, Barakaldo, Gernika, Azpeitia, Oiartzun eta Zumaiako lagunak elkartu dituzte Mundakan.

Udalekuan zehar egindako ikerketaren ondorioak jakitera emango dituzte urrian. Antolatzaileak "pozik" daude edukitako harrerarekin, eta gazteek eta gurasoek esperientzia "aberasgarria" izan dute.

Bi helburu 

Mingaina Dantzan udalekuen lehenengo edizio honek bi helburu nagusi zituen. Batetik, eremu hain ez euskaldunetatik datozen gaztetxoek aisialdi ekintza entretenigarriak bizitzea euskaraz. Hartara, hizkuntza bera ongi pasatzearekin lotu dezaten. Bestetik, bilatu dute eremu euskaldunetatik datozenek ere euskarazko elkarrizketak mantentzea, gaztelerara jotzeko joera dutenen aurrean ere.

Oro har, balorazio "positiboa" egin dute, gehienbat nesken artean.

Sare sozialetan aktibo

Sare sozialetan argazki, bideo eta eduki ugari partekatu dituzte udalekuetako begirale eta koordinatzaileek.
Horiei esker, gurasoek euren seme-alabek zein ondo pasa duten ikusteko aukera izan dute. Datozen urteetara begira, partaide berriak animatzeko balio izango dutela uste dute antolatzaileek.

Izan ere, Mingaina Dantzan udalekuek aurrera jarraituko dute, eta gaztetxoen artean euskara sustatzeko ekintza berritzaile honek jarraipena edukiko du. Aurtengo esperientzia, behintzat, "ezinhobea" izan da haientzat.

ARGAZKIAK
blog comments powered by Disqus
OHARRAK
  • Intza elkartearen Batzar Orokorra
    Intza elkarteak jakinarazten du, otsailaren 4an, igandean ohiko eta ez-ohiko batzar orokorrak antolatu dituela. Lehen deialdia 09:00etan da eta bigarrena berriz, 09:30ean. Elkarteak bazkide guztiei deia egiten die batzarrera hurbiltzeko.
  • Eskalada doan, Pio Barojan
    Lasarte-Oriako Udal Kirol Zerbitzuak eskaladan hasteko saio berezia antolatu du 2006, 2007, 2008 eta 2009an jaiotako neska-mutilentzat. Jardunaldia urtarrilaren 27an egingo da, arratsaldeko 16:00etan, Donostiako Pio Baroja kiroldegian. Interesa duten pertsonek Maialen Chourraut kiroldegian eman beharko dute beraien izena. Plaza kopurua mugatua denez, izen-emate zerrenda errespetatuko da. Jarduera doan izango da udal kirol instalazioen bazkideentzat.
  • Mus txapelketa
    Euskal Herriko X. Mus Txapelketako Lasarte-Oriako fasea jokatuko da urtarrilaren 26an, Xirimiri elkartean. Egun horretan bertan, elkartera izen ematera gerturatzen direnek momentuan jokatuko dute kanporaketa, eta bertan irabazle suertatzen direnek Gipuzkoako txapelketarako pasea lortuko dute. 20 euroko kostua (bikoteko) izango du izen emateak.
  • Biyak Bat elkartearen batzar orokorra
    Biyak Bat elkarteak jakinarazten du, urtarrilaren 27an, larunbata 2017 urteari dagokion batzar orokorra egingo duela. Lehen deialdia 17:30ean da eta bigarrena berriz, 18:00etan. Elkarteak bazkide guztiei deia egiten die batzarrera hurbiltzeko elkartearen egoeren berri izan dezaten.
  • Odol ateratzea
    Hilabeteko azken astelehenean, urtarrilaren 29an, eman ahal izango da odola Osasun Zentroan, 17:30etik 20:30era. Anima zaitezte, odola ordezkaezina da eta odol falta dago!
Lasarte-Oria
Gaur ez dago ekitaldirik Lasarte-Orian.
ZORION AGURRAK
SAIOA
Ondo pasa zure bederatzigarren urtebetetzean, zure gurasoen eta Iker anaiaren partetik.
AZKEN PDFa
1407 ( Urtarrilak 19 )
GUARDIAKO FARMAZIAK
Gandarias-Uribe ( Asteazkena)
IƱigo de Loyola 9
Tel: 943 019521
ASTEA
    • Orue ( Osteguna )
      Jaizkibel plaza 2
      943 362652
    • De Miguel ( Ostirala )
      Kale Nagusia 32
      943 371151
    • Orue ( Larunbata )
      Jaizkibel plaza 2
      943 362652
    • Orue ( Igandea )
      Jaizkibel plaza 2
      943 362652
    • Lasa ( Astelehena )
      Kale Nagusia 42 atzea
      943 361774
    • Gil ( Asteartea )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48