Bizikletak garbitzeko gunea, Askatasunaren parkean
Aurrekontuei begira egindako parte-hartze prozesuan herritarrek bizikletak garbitzeko gunea eskatu zioten Udalari. Askatasunaren parkean jarrri dute lehenengoa

Lasarte-Oriako bizikletak garbitzeko lehen gunea martxan da. Lasarte-Oriako alkate Jesus Zaballosek eta Jose Mari Urdampilleta Zerbitzuetako atal buruak aurkeztu dute gune berria. 

Alkateak aurrekontuen parte-hartze prozesuan txertatu eta herritarren onespena jaso zuela azaldu du. Lasarte-Oriako herritarrek txirrindularitzarako zaletasun handia dute eta Saiatuz elkarteak urteetan Kirol arloari eskatutako gunea zela ere azpimarratu du. "Usurbilen horrelako gune bat dute eta Lasarte-Orian ere horrelakoa egiteko eskaera egin zuen elkarteak. Izan ere, orain arte, kotxeen guneetara joan behar zuten bizikleta garbitzeko".

Hala ere, parte-hartze prozesuko aurrekontutik kanpo egin dela ere jakitera eman du. "Brigadak egindako lana izan da".

Askatasunaren parkeko komunen ondoan egokitu da bizikletak garbitzeko gunea. "Txirrindulari gehienak Hipodromo aldetik sartzen dira herrira eta bizikleta garbitzeko kokagune aproposena hau dela deritzogu". Gunean ur mahuka bat eta bi bizikleta garbitzeko lekua dago. Ura irtetzeko mahukaren gainean dagoen botoiari eman behar zaio. Botoiari sakatzen zaion bakoitzean 30 segunduko ur jarioa izango dute erabiltzaileek.

Bigarren gune bat ere jarriko dela aurreratu dute agerraldian. Zabaleta Berri auzoko parkean izango da. "Zabaleta auzotik barrena ere txirrindulari asko sartzen da herrira eta bertan jarriko da bigarren gunea. Askatasuneko parkekoaren antzera komunaren ondoan egongo da," azaldu du alkateak.

Herritarren gustuko gunea izatea espero dute udal ordezkariek eta gaztetxoei, batez ere, gunea errespetatzeko deia egin dute. "Ez baitira ur jolasetan ibiltzeko guneak".

 

ARGAZKIAK
blog comments powered by Disqus
OHARRAK
  • Erketzen urteurren bazkaria
    Erketz EDT urriaren 21ean bere 50. urteurreneko bazkaria antolatu du, Michelin kirol guneko pilotalekuan. Bazkari gozoa dastatzeko txartelak salgai daude Patricio tabernan, Mendi-Rock tabernan eta Ormazabal lora-dendan. Haurren bazkariko txartelak, 15 euro balio ditu; helduenak berriz, 35 euro. Urriaren 5era arte izango dira eskuragarri.
  • Biyak Baten txangoa
    Biyak-Bat erretiratuen elkarteak irailaren 26an Fríasera, Burgosera irteera antolatu du. Autobusa 8:00etan aterako da elkarte aurretik. Fríasen Erdi Aroko ibilbide gidatua egingo da. Honetan gaztelua eta eliza ezagutuko dituzte irteeran izena ematen dutenek. Bazkaria Ortiz jatetxean izango da. Izena ematea irailaren 17an, astelehena irekiko da. Astelehenetik ostiralera goizeko 10:30etik 12:30era dago izena emateko aukera elkarteko bulegoan. Bazkideek 35 euro ordaindu behar dituzte; bazkide ez direnek, berriz, 45 euro.
  • Adineko pertsonen omenaldiko bazkaria
    Adineko pertsonen omenaldi astearen barruan, urriaren 7an, igandea, bazkaria antolatu dute Michelingo Kirol gunean. 500 pertsonentzako lekua dago. Irailaren 5ean, asteazkenean, irekiko da txartelak eskuratzeko epea eta irailaren 25ean amaituko da. Biyak Bat elkarteko bulegoan goizez 10:30etik 12:30era egingo da banaketa eta 8 euro balio dituzte. Antolatzaileek eskudirutan ordaindu behar dela gogorarazten dute. Bazkariaz gozatu ahal izateko baldintzak Lasarte-Orian erroldatua egotea eta 1953 urtean edo lehenago jaioa izatea dira. Salbuespen dira 1953 urtearen ondoren jaiotako bikotekideak. Lasarte-Orian erroldatuak ez badaude, gainera, 29,15 euro ordaindu beharko dituzte.
  • Kiroldegiko neguko ordutegia
    Herriko kirol instalazioetan neguko ordutegia indarrean dago irailaren 1etik. Kiroldegia astelehenetik ostiralera 7:00etatik 22:30era egongo da irekia. Larunbatetan, 9:00etan irekiko ditu ateak eta 20:00etan itxi eta igandetan berriz, goizez soilik erabili ahalko dira instalazioak 9:00etatik 13:00etara. Kirol Guneko erabilera ordutegia astelehenetik ostiralera 15:30etatik 22:30era da. Larunbatetan goiz eta arratsaldez egongo da irekia, 9:00etatik 20:00etara eta igandetan kiroldegiaren antzera, goizez 9:00etatik 13:00etara.
ZORION AGURRAK
UNAX
Zorionak Unax!!! Ze zoriontsu egin gaituzun bederatzi urte hauetan, asko maite zaitugu! Aita, ama, Oier eta Maddi.
AZKEN PDFa
1434 ( Irailak 21 )
GUARDIAKO FARMAZIAK
Gil ( Ostirala)
Kale Nagusia 24
Tel: 943 361529
ASTEA
    • Orue ( Larunbata )
      Jaizkibel plaza 2
      943 362652
    • Orue ( Igandea )
      Jaizkibel plaza 2
      943 362652
    • Acha-Orbea ( Astelehena )
      Hipodromo etorbidea 6
      943 363549
    • Urbistondo ( Asteartea )
      San Frantzisko 1
      943 366567
    • Gandarias-Uribe ( Asteazkena )
      Iñigo de Loyola 9
      943 019521
    • Orue ( Osteguna )
      Jaizkibel plaza 2
      943 362652
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48