Unibertsitatera edo Goi Mailako Heziketa Zikloetara bidea hasiko dute orain Oriarte Institutuko ikasle nagusienek. Bigarren Batxilergoiko ikasleek ostiral eguerdian jaso dituzte ikasturte amaierako oroigarriak. Lehen solairuko aretoan bildu dira ikasle guztiak, ziklo bati amaiera eman, eta diplomak jasotzeko. Horren aurretik, Juantxo Arakama hezitzailearen eta Glaukoma musika taldeko kidearen bisita izan dute. Euskarazko rap doinu bat entzuteko aukera ere izan dute aretoan bildutako ikasle, irakasle eta gurasoek.
Ohorezko matrikulak
Urtero moduan, aurten ere kalifikazio onenak lortu dituzten ikasleei oroigarri berezi bat banatu diete. Ane Solano Gaztañaga lasarteoriatarra, Maria Hernandez Arregi usurbildarra, Xalba Otxotorena Yeregi lasarteoriatarra eta Enara Eizagirre Hueta zubietarra izan dira ikasturteko ikasle onenak.