"Beste mugarri bat ezarriko dugu igandean"
Donostia, Gasteiz eta Bilbo lotuko ditu igandean Gure Esku Dago-ren giza kateak. Herritarrei Belartzako biribilgunetik Ugaldea arteko bi kilometroak egokitu zaizkie. Okendon geratu dira, 10:00etan. "Festa giroan" parte hartzeko gonbita luzatu dute.

Egun gutxi falta dira. Igandean beste mugarri bat ezarri nahi du Gure Esku Dago-k; giza kate baten bidez lotu nahi ditu Donostia, Bilbo eta Gasteiz. Lasarteoriatarrek ere izango dute zeregina horretan. Belartzako biribilgunetik Ugaldea industriaguneraino ezartzea egokitu zaie. Maider Segurola, Idoia Garzes, Marijo Goizueta eta Joxean Lopez lanean aritu dira dena prestatzen. Azken hilabeteetan hitzaldiak eta mahai inguruak antolatu dituzte herrian, erabakitzeko eskubidearen eztabaida plazaratzeko. Orain, "jai giroan gozatzea" besterik ez da falta. Larunbata arte izena emateko aukera dago oraindik. Igandean 10:00ean geratuko dira Okendo plazan, giza katera abiatzeko.

"Ekarri pankartak, postitak, hamaiketakoa, aldarrikapenak...". Erabakitzeko eskubidearen aldeko ekintza soila ez, "festa handi bat" iragarri dute mugimenduko Lasarte-Oriako kideek. "Mugarri bat ezarriko dugu igandean".

11:30erako egon beharko dute partaideek kilometroan. 9. eta 10.ak izango dira. Eguerdian hasiko da ekintza, eta ordu erdi iraungo du. Ondoren, festak hiriburuetan jarraituko du.

Lasarte-Oriatik 1.000 pertsona inguru joan beharko lirateke, herriari dagokion zatia osatzeko. Zapiari helduta osatuko dute katea. Antolakuntza lan handia eskatzen du gisa honetako ekimen batek, eta, horregatik, ezinbestekoa zaie aldez aurretik prestatzea. Horretarako ireki dituzte izen emateak azken aste hauetan.

Zergatik eta zertarako erabaki? Galdera hori buruan hasi zuten ikasturtea Lasarte-Oriako ekintzaileek. Galdera horri erantzuteko, hainbat ekimen antolatu dituzte. Batetik, Juanjo Alvarezen hitzaldia, eta, bestetik, lau aditurekin solasaldia. Gero, maiatzaren 19an egin zuten aurkezpena. "Jendeak bere nahiak idatzi zituen. Norberak bere aldarrikapenak ere eraman ditzake giza katera", esan du Garzesek. 

Egindako lanarekin gustura dago laukotea. "Erabakitzeko eskubidea interesa pizten duen gaia da, eta jendeak ongi erantzun du", dio Segurolak.  Aurkezpenean ere jende ugari atera zen kalera, eta zergatik erabaki nahi duen adierazi zuen. 

Galdeketa iaz
Gure Esku Dago-ren olatuak iaz jo zuen goia, herrian egin zuten herri galdeketarekin. Oraingo ekitaldiarekin aldea nabaritzen dute ekintzaileek. "2.000 pertsonak baino gehiagok bozkatu zuten, bazegoen giroa herrian. Iaz bazegoen beste egoera bat, galdeketa zehatzagoa da agian, giza katea abstraktuagoa da", uste du Garzesek.

Dena den, gaia plazaratzeaz gainera, indarra jarri dute alor batean: erabakitzeko eskubidearen adiera zabala da. Gizarte gai askori eragiten baitio eskubide horrek, nahiz eta askotan kutsu politikoa nagusitzen zaion. Erraustegiak eta hondakinen kudeaketak sortutako eztabaida publikoa da horren adibide. "Iazko galdeketan, hain zuzen, arrazoi horrengatik bi galdera planteatu ziren. Zure intereseko gaietan erabakitzeko eskubidea nahi duzu?, zen horietako bat", azaldu du Segurolak. Aurten eginiko eztabaida eta mahainguruetan ere gai horiek azaleratu dituzte. "Oso galdera potoloa dirudi. Baina gure bizimoduari eragiten diote gauza txiki askok, eta denok daukagu zeresana, iritzia emateko eskubidea. Hori gizarteratzea izan da gure lana".

Mugimendu anitza
Askotariko jendeak osatzen du Gure Esku Dago dinamika, eta horixe islatzen saiatu dira. "Denentzako irekia da, ez da independentisten bilgunea", ohartarazi du Garzesek. Hain justu, erabakitzeko eskubideak batzen ditu. "Guri eragiten diguten gaien inguruan iritzia eman nahi dugu. Zein aldetara egiten dugun gutxienekoa da. Iazko herri galdeketan ere egon ziren ezezkoa bozkatu zutenak. Baina erabaki egin zuten". 

ARGAZKIAK
blog comments powered by Disqus
OHARRAK
  • Yoko-Garbi elkartearen bazkide kanpaina
    Zubietako YOKO-GARBI elkartean, bazkide izateko azken tokiak geratzen direla jakitera ematen du. Familia bonoak, jubilatuei deskontu bereziak, etab. daude. Elkartearen egoitza berria, Alamandegi etxean izango da Izena ematea Alamangi jatetxean edo yokogarbielkartea1@gmail.com helbidean egin behar da, urriaren 14-a baino lehen. Informazio edo azalpen gehiago behar izanez gero, yokogarbielkartea1@gmail.com helbidean eskainiko dira.
  • Erketzen urteurren bazkaria
    Erketz EDT urriaren 21ean bere 50. urteurreneko bazkaria antolatu du, Michelin kirol guneko pilotalekuan. Bazkari gozoa dastatzeko txartelak salgai daude Patricio tabernan, Mendi-Rock tabernan eta Ormazabal lora-dendan. Haurren bazkariko txartelak, 15 euro balio ditu; helduenak berriz, 35 euro. Urriaren 5era arte izango dira eskuragarri.
  • Adineko pertsonen omenaldiko bazkaria
    Adineko pertsonen omenaldi astearen barruan, urriaren 7an, igandea, bazkaria antolatu dute Michelingo Kirol gunean. 500 pertsonentzako lekua dago. Irailaren 5ean, asteazkenean, irekiko da txartelak eskuratzeko epea eta irailaren 25ean amaituko da. Biyak Bat elkarteko bulegoan goizez 10:30etik 12:30era egingo da banaketa eta 8 euro balio dituzte. Antolatzaileek eskudirutan ordaindu behar dela gogorarazten dute. Bazkariaz gozatu ahal izateko baldintzak Lasarte-Orian erroldatua egotea eta 1953 urtean edo lehenago jaioa izatea dira. Salbuespen dira 1953 urtearen ondoren jaiotako bikotekideak. Lasarte-Orian erroldatuak ez badaude, gainera, 29,15 euro ordaindu beharko dituzte.
  • Kiroldegiko neguko ordutegia
    Herriko kirol instalazioetan neguko ordutegia indarrean dago irailaren 1etik. Kiroldegia astelehenetik ostiralera 7:00etatik 22:30era egongo da irekia. Larunbatetan, 9:00etan irekiko ditu ateak eta 20:00etan itxi eta igandetan berriz, goizez soilik erabili ahalko dira instalazioak 9:00etatik 13:00etara. Kirol Guneko erabilera ordutegia astelehenetik ostiralera 15:30etatik 22:30era da. Larunbatetan goiz eta arratsaldez egongo da irekia, 9:00etatik 20:00etara eta igandetan kiroldegiaren antzera, goizez 9:00etatik 13:00etara.
Lasarte-Oria
Gaur ez dago ekitaldirik Lasarte-Orian.
ZORION AGURRAK
PILI
Zorionak! Make up saioa prestatzen hasi parrandarako! Txintxoa izan! Ttakuneko lankideak.
AZKEN PDFa
1434 ( Irailak 21 )
GUARDIAKO FARMAZIAK
Urbistondo ( Asteartea)
San Frantzisko 1
Tel: 943 366567
ASTEA
    • Gandarias-Uribe ( Asteazkena )
      Iñigo de Loyola 9
      943 019521
    • Orue ( Osteguna )
      Jaizkibel plaza 2
      943 362652
    • De Miguel ( Ostirala )
      Kale Nagusia 32
      943 371151
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    • Lasa ( Astelehena )
      Kale Nagusia 42 atzea
      943 361774
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48