Beste mugarri bat ezarri dute
Lasarteoriatarrek ederki erantzun diote Gure Esku Dagoren deiari, eta Donostia eta Gasteiz lotu dituen giza kateko bederatzigarren eta hamargarren kilometroak aise bete dituzte

"Beste mugarri bat ezarriko dugu igandean". Lasarte-Oriako Gure Esku Dagoko kideek oso argi adierazi zuten Txintxarrirekin izandako solasaldian, joan den astean. Esan, eta egin: mila lasarteoriatar baino gehiago biltzea lortu dute, eta Donostia eta Gasteiz lotu dituen giza kateko bederatzigarren eta hamargarren kilometroak aise bete dituzte. Aurreikuspenak gainditzearen tendentzia hori nazio mailara hedatu da. Gure Esku Dagoko ordezkariek adierazi dutenez, egun bakar bateko "mobilizazio jendetsuena" izan da gaurkoa. 175.000 pertsona baino gehiagok eman diote eskua elkarri, erabakitzeko eskubidearen alde.

Goizeko hamarretan hasi da girotzen Okendo plaza. Ordu horretan zegoen jarria hitzordua, eta herritar guztiak puntual iritsi ez badira ere, ordu erdi beranduago sekulako giroa zegoen. Plaza, beteta. Gure herriari zegokion gunera abiatu aurretik (Belartzako biribilgunetik Ugaldeara, bi kilometro), talde argazki erraldoia atera dute, eskuak zerurantz altxata, giro ederrean. Lasarte-Oriaren historiarako beste argazki bat.

Eguzkiak gogotik jo du gaur, eta 12:00ak iritsi bitartean itzala bilatzen aritu dira lasarteoriatarrak. Dena dela, ez dute asko sufritu, eta berehala iritsi da bakoitza bere postuan ongi jarri eta elkarri eskuak ematekoa, Donostia eta Gasteiz lotzeko helburuarekin. Ordu erdiz egon dira elkarri eskua emanda, erabakitzeko eskubidearen aldeko aldarri ozenak behin eta berriro plazaratzen. 

ARGAZKIAK
blog comments powered by Disqus
OHARRAK
  • Akats zuzenketa
    Egun hauetan EH Bilduk 2017ko udal aurrekontuen exekuzio mailari buruz buzoneatu duen eskuorrian oker bat eskapatu zaigu azkenengo paragrafoan. Bertan, Ahal Du Lasarte-Oria Puede alderdiak 2017ko Udal Aurrekontuen aldeko bozka eman zuela esaten da. Ez da horrela, ez zuen aldeko bozka eman. ADLOP abstenitu egin zen. 2016ean izan zen aldeko bozka ematea, eta hortik gure nahasketa. Zintzoki akatsa onartu eta sortutako kaltearengatik ADLOP-ri barkamena publikoki eskatzea dagokigu eta horrela egiten dugu ohar honen bidez.
  • Kirol instalazioen ordutegia San Pedro jaietan
    San Pedro jaietan kirol instalazioek ordutegi berezia izango dute. Ekainaren 28an, osteguna, igerilekua 9:00etatik aurrera itxita egongo da; Maialen Chourraut kiroldegi osoa, berriz, arratsaldean itxiko dute. Ekainaren 29an eta 30an, ostirala eta larunbata, Maialen Chourraut kiroldegia itxita egongo da.
  • Sorgin Dantza entsegua ekainaren 26an
    Sorgin Dantzako antolatzaileek jakitera ematen dute, ekainaren 26an, asteartea, entsegua izango dela. Ohi bezala saioa arratsaldeko 20:00etan hasiko da Okendo plazan. Eguraldi txarra eginez gero, Landaberri-Garaikoetxea ikastetxean egingo da.
  • Odol ateratzea
    Hilabeteko azken astelehenean, ekaianren 25an, eman ahal izango da odola Osasun Zentroan, 17:30etik 20:30era. Anima zaitezte, odola ordezkaezina da eta odol falta dago!
Lasarte-Oria
Gaur ez dago ekitaldirik Lasarte-Orian.
ZORION AGURRAK
MARIO
Zorionak txapeldun!! 8 muxu potolo familia osoaren partetik. Asko maite zaitugu!!
AZKEN PDFa
1427 ( Ekainak 22 )
GUARDIAKO FARMAZIAK
Acha-Orbea ( Igandea)
Hipodromo etorbidea 6
Tel: 943 363549
ASTEA
    • Lasa ( Astelehena )
      Kale Nagusia 42 atzea
      943 361774
    • Gil ( Asteartea )
      Kale Nagusia 24
      943 361529
    • Acha-Orbea ( Asteazkena )
      Hipodromo etorbidea 6
      943 363549
    • Gandarias-Uribe ( Osteguna )
      IƱigo de Loyola 9
      943 019521
    • Urbistondo ( Ostirala )
      San Frantzisko 1
      943 366567
    • Urbistondo ( Larunbata )
      San Frantzisko 1
      943 366567
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48