Helburua, I. Berdintasun Plana egitea da, herriko gizonezko eta emakumezkoek bizi duten errealitatea gertutik ezagutzeko. Horretarako, urtebeteko barne-lanketaren ostean, topaketa irekiak antolatu dituzte bihar arratsaldean 18:30ean eta asteazken goizean 11:00etan Villa Mirentxuko bilera gelan.
“Bertara hurbiltzen denak emakumeak eta gizonak nola bizi edo elkarbizitzen garen komentatzeko aukera izango du esparru ezberdinetan, bai kirolean, bai hedabideetan, bai hirigintzan, bai politikan, bai lan munduan edo zaintzaile bezala ari denean… Gai ezberdinez aritzeko aukera izango baita, betiere genero ikuspegia analisirako oinarria izanda”, adierazi dute Udaleko iturriek.