Basaundi bailarara zabalduko da algara
Kontzertuak, mus txapelketa, futbol partidak, lehiaketa gastronomikoak eta beste egingo dituzte asteburuan eta astelehenean Basaundi bailarako jaietan. Junior Lee taldeak joko du San Inazio egunean. Haurrentzako ekitaldi mordoa prestatu dute

Oria auzoan lehertu zen festa orain bi aste, eta, asteburu honetan, Basaundi bailarari iritsiko zaio txanda. San Inazio eguna iristear da, eta auzoan dena prest dute asteburua jai giroan pasatzeko. Adin tarte guztientzat pentsatuta egin dute egitaraua, antolatzaileek jakitera eman dutenez. Kontzertuekin, puzgarriekin, herri bazkariarekin eta gastronomia lehiaketekin izango dute auzotarrek ongi pasatzeko aukera. 

Larunbatean, hilaren 29an, hasiko da festa; haurrentzako tailerrak egingo dituzte arratsaldean, eta rock taldeek girotuko dute gaua. Baina egun handiak igandea eta astelehena izango dira. Igandean frontoian barrenea izango da, eta ondoren ezkongabeen eta ezkonduen arteko betiko partida jokatuko dute. Bazkal aurretik pintxo-potea egongo da auzoko tabernetan eta txosnan. 

Mus txapelketa 

Bazkal ostean karta zaleek hitzordua izango dute: mus txapelketa jokatuko dute bailarako enparantzan. Haurrek ere izango dute dibertitzeko astia: apar festa antolatu dute teniseko pistan. Beroak gogor jotzen badu, freskatzeko aukera izango dute, hortaz. 

Etxera afaltzera joan nahi ez duenak izango du kalean tripa betetzeko aukera: tortilla patata lehiaketa egingo dute, 19:30ean.  Etxean eginak izan beharko dira tortillak, eta aldez aurretik aurkeztu beharko dituzte. Afalostean, eta gaueko ordu txikiak arte, musikaren erritmoan dantza egin ahal izango dute festa zaleek. Ibai Berriak berbenaren eskutik lehendabizi, eta DJ baten doinu elektronikoek astinduta gero.  

San Inazio egunean, egun osoko programazio zabala prestatu  dute. Ibilaldia egingo dute goizean goiz, enparantzatik abiatuta. Haurrentzako jolasak ere egingo dituzte, baina buruhandietatik ihesi ere egin beharko dute. Meza nagusiaren ondoren, toka eta bote txapelketa egongo da. Buruntzazpi elkarteak antolatuta, bazkaria egingo dute gero, eta haurrentzako puzgarriak eta askaria izango dira arratsaldean. Lee Junior taldearen kontzertuak itxiko ditu festak; 20:00etan hasiko du emanaldia. 

ARGAZKIAK
blog comments powered by Disqus
OHARRAK
  • Gazteen entsegu-lokalei buruzko bilera
    Lasarte-Oriako Udalak Gaztelekuan dauden entsegu-lokalen eskaera egin dute taldeak uztailaren 27an, arratsaldeko 18:30ean bilera bat egitera deitu ditu. Bileran lokalen erabilerari buruzko azalpenak eta entseguen egutegi eta ordutegia osatuko da.
  • Lasartearra elkarteko bazkidearen eguna
    Lasartearra elkarteak bazkidearen eguna antolatu du uztailaren 31n, San Inazio egunean: 11:30ean, txakolina edango da elkartean. 11:45ean, zendutako bazkideak gogora ekarriko dituzte ekitaldi xume batekin. Ostean, txupina eta auzoko tabernatan poteoa egingo dute, trikitilariek lagunduta. 14:30ean, bazkaria izango da elkartean. Bazkarian parte hartzeko bazkideek izena eman eta 20 euro ordaindu behar dituzte. Inskripzioa uztailaren 26a baino lehen egin behar da Lasartearra elkarteko bulegoan.
  • Hernani bidea itxiko dute
    Aurrera doaz Zabaleta Berriko lanak. Jarraitzeko, ordea, Hernaniko bidea itxiko dute. Lanen zuzendariak Txintxarri-ri azaldu dionez, hurrengo astetik aurrera itxiko dute bide hori. Hain zuzen, Pepenea baserria eta Hernaniko muga bitartean egongo da itxita. Baimena eskatu dute dagoeneko udalean, eta jaso bezain pronto itxiko dute errepidea. Ondorioz, astelehenean edo, beranduenez, asteartean ezin izango da errepide hori erabili. Bide alternatiboak jakinarazteko seinaleak jarriko dituzte. Hilabete pare bat behintzat egongo da itxita. Lanetako zuzendariak azaldu duenez, baimena iraila bukaera arte eskatu dute, baina litekeena da lehenago amaitzea.
AZKEN PDFa
1430 ( Uztailak 20 )
GUARDIAKO FARMAZIAK
Acha-Orbea ( Larunbata)
Hipodromo etorbidea 6
Tel: 943 363549
ASTEA
    • Acha-Orbea ( Igandea )
      Hipodromo etorbidea 6
      943 363549
    • De Miguel ( Astelehena )
      Kale Nagusia 32
      943 371151
    • Lasa ( Asteartea )
      Kale Nagusia 42 atzea
      943 361774
    • Gil ( Asteazkena )
      Kale Nagusia 24
      943 361529
    • Acha-Orbea ( Osteguna )
      Hipodromo etorbidea 6
      943 363549
    • Gandarias-Uribe ( Ostirala )
      IƱigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48