Aurpegia eta gurutzea Beltzakeko taldeentzat
Babyauto Zarautzek garaipena erdietsi du Vigon. Partida horretan egin du debuta Adrian Apaolaza gazteak. Partida ona egin arren, Euskal Ligako taldeak ezin izan du Universitario Bilbao garaitu. 18 eta 16 urte azpiko taldeek Michelinen jokatu dute

Babyauto Zarautz taldea Vigora bidaiatu zen Zilarrezko mailako zazpigarren jardunaldian. Kaleido Universidade de Vigo RCren aurka partida ederra jokatu zuen taldeak. Lehen minutuetan arerioa aurreratu zen arren, ez zuen amore eman, eta bere erritmoa ezarri zuen taldeak. Fase estatikoetan ederki jokatu eta meleetan nagusi izan ziren. Ander Rekondo herritarraren tantoak itxi zuen markagailua, 22 eta 33ekoa ezarriz.

Hemezortzi jokalari izan ziren lehen taldeko deialdian eta horietako bost lasarteoriatarrak ziren: Ander Rekondo, Unai Urruzola, Xabier Rekondo, David Vega eta Adrian Apaolaza. 

Apaolazak, gainera, maila honetan debuta egin eta 80 minutuak jokatu zituen. Aipatzekoa da Apaolaza dela Beltzak Errugbi taldeko harrobiko maila guztietan jokatutako gaztea.

Bilbon, zorterik ez

Euskal Ligako Lavie ZRT Beltzak senior B taldeak El Fango zelaian jokatu zuen Universitario Bilbaoren aurka. 

Bi taldeek ederki borrokatu zuten eta markagailua horren isla izan zen. Azken zazpi minutuetan ordea, Beltzak taldeak fisikoki behera egin zuen. Aulkian ordezkorik ez zuen eta ezin izan zion erritmoari eutsi. Etxeko taldea nagusitu eta 27-17 irabazi zuen. Ritxard Yurramendi, Oihan Corchero eta Julen Aristorena lasarteoritarrek jokatu zuten partida.

Errugbia Michelinen

Bestalde, errugbi giroa izan zen berriro ere, Michelinen. 18 eta 16 urte azpiko taldeen norgehiagokak jokatu ziren. Arerioa, Marzola Rioja taldea. 

18 urte azpiko partidan Lavie ZRT/Beltza taldea nagusi izan zen zelaian, baita markagailuan ere, 38-0.
16 urte azpiko Gure Etxea ZRT/Beltzak taldeak, berriz, 19 eta 21 galdu zuen.

ARGAZKIAK
blog comments powered by Disqus
OHARRAK
  • Intza elkartearen Batzar Orokorra
    Intza elkarteak jakinarazten du, otsailaren 4an, igandean ohiko eta ez-ohiko batzar orokorrak antolatu dituela. Lehen deialdia 09:00etan da eta bigarrena berriz, 09:30ean. Elkarteak bazkide guztiei deia egiten die batzarrera hurbiltzeko.
  • Eskalada doan, Pio Barojan
    Lasarte-Oriako Udal Kirol Zerbitzuak eskaladan hasteko saio berezia antolatu du 2006, 2007, 2008 eta 2009an jaiotako neska-mutilentzat. Jardunaldia urtarrilaren 27an egingo da, arratsaldeko 16:00etan, Donostiako Pio Baroja kiroldegian. Interesa duten pertsonek Maialen Chourraut kiroldegian eman beharko dute beraien izena. Plaza kopurua mugatua denez, izen-emate zerrenda errespetatuko da. Jarduera doan izango da udal kirol instalazioen bazkideentzat.
  • Mus txapelketa
    Euskal Herriko X. Mus Txapelketako Lasarte-Oriako fasea jokatuko da urtarrilaren 26an, Xirimiri elkartean. Egun horretan bertan, elkartera izen ematera gerturatzen direnek momentuan jokatuko dute kanporaketa, eta bertan irabazle suertatzen direnek Gipuzkoako txapelketarako pasea lortuko dute. 20 euroko kostua (bikoteko) izango du izen emateak.
  • Biyak Bat elkartearen batzar orokorra
    Biyak Bat elkarteak jakinarazten du, urtarrilaren 27an, larunbata 2017 urteari dagokion batzar orokorra egingo duela. Lehen deialdia 17:30ean da eta bigarrena berriz, 18:00etan. Elkarteak bazkide guztiei deia egiten die batzarrera hurbiltzeko elkartearen egoeren berri izan dezaten.
  • Odol ateratzea
    Hilabeteko azken astelehenean, urtarrilaren 29an, eman ahal izango da odola Osasun Zentroan, 17:30etik 20:30era. Anima zaitezte, odola ordezkaezina da eta odol falta dago!
Lasarte-Oria
Gaur ez dago ekitaldirik Lasarte-Orian.
ZORION AGURRAK
SAIOA
Ondo pasa zure bederatzigarren urtebetetzean, zure gurasoen eta Iker anaiaren partetik.
AZKEN PDFa
1407 ( Urtarrilak 19 )
GUARDIAKO FARMAZIAK
Gandarias-Uribe ( Asteazkena)
IƱigo de Loyola 9
Tel: 943 019521
ASTEA
    • Orue ( Osteguna )
      Jaizkibel plaza 2
      943 362652
    • De Miguel ( Ostirala )
      Kale Nagusia 32
      943 371151
    • Orue ( Larunbata )
      Jaizkibel plaza 2
      943 362652
    • Orue ( Igandea )
      Jaizkibel plaza 2
      943 362652
    • Lasa ( Astelehena )
      Kale Nagusia 42 atzea
      943 361774
    • Gil ( Asteartea )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48