Askatasunaren parkeari buruzko parte hartze prozesua egingo da
Lasarte-Oriako Udalak Emun kooperatibaren laguntzaz, Askatasunaren parkeko erabilerari buruzko parte hartze prozesua jarri du martxan ekainaren 22ra arte

Askatasunaren parkeko garapen berria zehazteko parte hartze prozesua egingo du Udalak. Jesus Zaballos alkateak, Agustin Valdivia Hirigintza saileko buruak eta  Olatz Irizar Emun kooperatibako kideak aurkeztu dute prozesua.

Irizarrek azaldu duenez, Askatasunaren parkeko erabilerari buruzko herritarren proposamenak eta ideiak biltzeko prozesua da eta bide ezberdinak erabiliko dira.

Lasarte-Oriako etxebizitzetara inkesta bat iritsiko da, udaleko webgunean ere erantzun ahalko dena. Erabiltzaile gehien dauden egunetan kale-inkestak egingo dituzte eta ikastetxeetan ere, gurasoei zuzendutako inkesta berezia banatuko da. Saio presentzialak ere egingo dira uda igaro ostean.

Lasarte-Orian erroldatu eta 18 urte baino gehiago duten pertsonek parte hartuko dute prozesuan. Nahiz eta iritzia emateko era ezberdinak egon, pertsona bakoitzak behin bakarrik erantzun ahalko du inkesta. Horregatik,  izena, abizena eta NAN zenbakia zehaztu beharko dira.

Era berean, udal teknikariekin lan egingo da haien ideiak jasotzeko eta aurreko parte hartze prozesuen txostenak ere kontuan izango dira.

Ideia guztiak aztertu eta bideragarrienak aurrera eramango dira. Horretarako, berrurbanizazio proiektu bat diseinatu beharko da.

Hala ere, udal ordezkariek jakitera eman dutenez, eremuak Eusko Jaurlaritzaren babesa du eta ezingo da edozein proposamen gauzatu. Eusko Jaurlaritzaren txostena du Udalak bertan gauzatu daitezkeen lanak jakiteko.  “Estetikoki komentuko baratzaren forma mantendu behar du. Gainera, ezin da estalki iraunkorrik jarri, ezta oholtzarik ere. Baina iraunkor izatea zer den definitu beharko dugu Eusko Jaurlaritzarekin”.

ARGAZKIAK
blog comments powered by Disqus
OHARRAK
  • Akats zuzenketa
    Egun hauetan EH Bilduk 2017ko udal aurrekontuen exekuzio mailari buruz buzoneatu duen eskuorrian oker bat eskapatu zaigu azkenengo paragrafoan. Bertan, Ahal Du Lasarte-Oria Puede alderdiak 2017ko Udal Aurrekontuen aldeko bozka eman zuela esaten da. Ez da horrela, ez zuen aldeko bozka eman. ADLOP abstenitu egin zen. 2016ean izan zen aldeko bozka ematea, eta hortik gure nahasketa. Zintzoki akatsa onartu eta sortutako kaltearengatik ADLOP-ri barkamena publikoki eskatzea dagokigu eta horrela egiten dugu ohar honen bidez.
  • Kirol instalazioen ordutegia San Pedro jaietan
    San Pedro jaietan kirol instalazioek ordutegi berezia izango dute. Ekainaren 28an, osteguna, igerilekua 9:00etatik aurrera itxita egongo da; Maialen Chourraut kiroldegi osoa, berriz, arratsaldean itxiko dute. Ekainaren 29an eta 30an, ostirala eta larunbata, Maialen Chourraut kiroldegia itxita egongo da.
  • Sorgin Dantza entsegua ekainaren 26an
    Sorgin Dantzako antolatzaileek jakitera ematen dute, ekainaren 26an, asteartea, entsegua izango dela. Ohi bezala saioa arratsaldeko 20:00etan hasiko da Okendo plazan. Eguraldi txarra eginez gero, Landaberri-Garaikoetxea ikastetxean egingo da.
  • Odol ateratzea
    Hilabeteko azken astelehenean, ekaianren 25an, eman ahal izango da odola Osasun Zentroan, 17:30etik 20:30era. Anima zaitezte, odola ordezkaezina da eta odol falta dago!
Lasarte-Oria
Gaur ez dago ekitaldirik Lasarte-Orian.
ZORION AGURRAK
LOREA
Zorionak printzesa zure zazpigarren urtebetzean, aitatxo, amatxo, eta Oihanaren partez. Asko maite zaitugu!!!
AZKEN PDFa
1427 ( Ekainak 22 )
GUARDIAKO FARMAZIAK
Acha-Orbea ( Igandea)
Hipodromo etorbidea 6
Tel: 943 363549
ASTEA
    • Lasa ( Astelehena )
      Kale Nagusia 42 atzea
      943 361774
    • Gil ( Asteartea )
      Kale Nagusia 24
      943 361529
    • Acha-Orbea ( Asteazkena )
      Hipodromo etorbidea 6
      943 363549
    • Gandarias-Uribe ( Osteguna )
      IƱigo de Loyola 9
      943 019521
    • Urbistondo ( Ostirala )
      San Frantzisko 1
      943 366567
    • Urbistondo ( Larunbata )
      San Frantzisko 1
      943 366567
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48