Arteaga-Murua eta Arluziaga-Odriozola, Santa Ana txapelketako finalaren zain
Atzo arratsaldean jokatu ziren final erdikoak. Hurrengo ostegunean, finala eta 3. postua erabakiko dira

Asteartean amaitu zen Santa Ana pala txapelketako lehen fasea. Sei bikotek hasi zuten lehia, eta finalerdietako partidak atzo arratsaldean jokatu ziren Loidibarren pilotalekuan. 

Lehen faseko hamar jardunaldiak jokatu ostean, sailkapeneko lehen lau bikoteek lortu dute final erdietarako txartela. Bi soilik geratu dira kanpo: Gurutz Iturbe-Josu Arabaolaza eta Jon Pagola-Jesus Ferreira.

Era honetara, atzo, Xabi Arteaga-Beñat Murua bikoteak Jon Pello Artetxe-Haritz Urkia izan zituzten aurrez aurre. Partida luzean, Arteaga eta Muruak 30-14 irabazi zuten.

Beste partida, berriz, Iñigo Arluziaga-Xenki Astiazaran eta Jon Begiristain-Josu Iparragirre  bikoteen arteko norgehiagoka izan zen. Baina Xenki Astiazaranek ezin izan zuen jokatu, eta Bernaitz Odriozolak hartu zuen bere lekua. Bikote aldaketa ez zen arazorik izan eta Arluziaga-Odriozola bikotea 30-22 gailendu zen.

Arteaga-Murua eta Arluziaga-Odriozola bikoteen arteko finala Santa Ana egunean, uztailaren 26an, osteguna jokatuko da. Lehenik, 18:30ean hasita, hirugarren postua lehiatuko dute Jon Pello Artetxe-Haritz Urkia eta Jon Begiristain-Josu Iparragirre bikoteek.

ARGAZKIAK
blog comments powered by Disqus
OHARRAK
  • Hernani bidea itxiko dute
    Aurrera doaz Zabaleta Berriko lanak. Jarraitzeko, ordea, Hernaniko bidea itxiko dute. Lanen zuzendariak Txintxarri-ri azaldu dionez, hurrengo astetik aurrera itxiko dute bide hori. Hain zuzen, Pepenea baserria eta Hernaniko muga bitartean egongo da itxita. Baimena eskatu dute dagoeneko udalean, eta jaso bezain pronto itxiko dute errepidea. Ondorioz, astelehenean edo, beranduenez, asteartean ezin izango da errepide hori erabili. Bide alternatiboak jakinarazteko seinaleak jarriko dituzte. Hilabete pare bat behintzat egongo da itxita. Lanetako zuzendariak azaldu duenez, baimena iraila bukaera arte eskatu dute, baina litekeena da lehenago amaitzea.
Lasarte-Oria
Gaur ez dago ekitaldirik Lasarte-Orian.
ZORION AGURRAK
DANEL
Zorionak gure etxeko Cat Noir txikia! Gure bizitza abentura bihurtu duzu, eta gehiago biziko ditugu! Muxu handi bat! Aitatxo, amatxo eta Luken
AZKEN PDFa
1431 ( Uztailak 27 )
GUARDIAKO FARMAZIAK
De Miguel ( Asteartea)
Kale Nagusia 32
Tel: 943 371151
ASTEA
    • Lasa ( Asteazkena )
      Kale Nagusia 42 atzea
      943 361774
    • Gil ( Osteguna )
      Kale Nagusia 24
      943 361529
    • Gandarias-Uribe ( Ostirala )
      IƱigo de Loyola 9
      943 019521
    • Lasa ( Larunbata )
      Kale Nagusia 42 atzea
      943 361774
    • Lasa ( Igandea )
      Kale Nagusia 42 atzea
      943 361774
    • Urbistondo ( Astelehena )
      San Frantzisko 1
      943 366567
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48