Bi aste baino gutxiago geratzen dira ibilgailuen gaineko zerga ordaintzeko epea bukatzeko; hilaren 16a (astelehena) izango da azken eguna. Erreziboa helbideratuta daukaten lasarteoriatarrei aipatu egun horretan kobratuko zaie tasa. Helbideratuta ez dutenek, aldiz, hainbat bide dituzte pagatzeko: banku eta aurrezki kutxetara joan eta han ordaindu, edo, bestela, internet bidez, Lasarte-Oriako Udalaren web orrialdean. Apirilaren 16rako ordaindu ez duten herritarrek errekargua jasoko dute tasaren erreziboan, Udalak jakinarazi duenez.

Zaborraren tasa, maiatzaren 15erako

Zaborraren 2018ko tasa ordaintzeko epea hilabete beranduago bukatuko da; maiatzaren 15a izango da borondatezko azken eguna. Erreziboa helbideratuta duten lasarteoriatarrei egun horretan kobratuko zaie. Helbideratuta ez dutenek, apirileko bigarren hamabostaldian gutun bana jasoko dute etxean. Baten batek jasoko ez balu, edo kopiaren bat beharko balu, udaletxeko hirugarren solairura joan beharko du, zerga bilketen bulegora. Bestela, 943 376 187 telefono zenbakira hots egin dezake. Tasa honen ordainketa ere banku eta aurrezki kutxetan egin daiteke.

blog comments powered by Disqus
OHARRAK
  • Gazteen entsegu-lokalei buruzko bilera
    Lasarte-Oriako Udalak Gaztelekuan dauden entsegu-lokalen eskaera egin dute taldeak uztailaren 27an, arratsaldeko 18:30ean bilera bat egitera deitu ditu. Bileran lokalen erabilerari buruzko azalpenak eta entseguen egutegi eta ordutegia osatuko da.
  • Lasartearra elkarteko bazkidearen eguna
    Lasartearra elkarteak bazkidearen eguna antolatu du uztailaren 31n, San Inazio egunean: 11:30ean, txakolina edango da elkartean. 11:45ean, zendutako bazkideak gogora ekarriko dituzte ekitaldi xume batekin. Ostean, txupina eta auzoko tabernatan poteoa egingo dute, trikitilariek lagunduta. 14:30ean, bazkaria izango da elkartean. Bazkarian parte hartzeko bazkideek izena eman eta 20 euro ordaindu behar dituzte. Inskripzioa uztailaren 26a baino lehen egin behar da Lasartearra elkarteko bulegoan.
  • Hernani bidea itxiko dute
    Aurrera doaz Zabaleta Berriko lanak. Jarraitzeko, ordea, Hernaniko bidea itxiko dute. Lanen zuzendariak Txintxarri-ri azaldu dionez, hurrengo astetik aurrera itxiko dute bide hori. Hain zuzen, Pepenea baserria eta Hernaniko muga bitartean egongo da itxita. Baimena eskatu dute dagoeneko udalean, eta jaso bezain pronto itxiko dute errepidea. Ondorioz, astelehenean edo, beranduenez, asteartean ezin izango da errepide hori erabili. Bide alternatiboak jakinarazteko seinaleak jarriko dituzte. Hilabete pare bat behintzat egongo da itxita. Lanetako zuzendariak azaldu duenez, baimena iraila bukaera arte eskatu dute, baina litekeena da lehenago amaitzea.
AZKEN PDFa
1430 ( Uztailak 20 )
GUARDIAKO FARMAZIAK
Acha-Orbea ( Larunbata)
Hipodromo etorbidea 6
Tel: 943 363549
ASTEA
    • Acha-Orbea ( Igandea )
      Hipodromo etorbidea 6
      943 363549
    • De Miguel ( Astelehena )
      Kale Nagusia 32
      943 371151
    • Lasa ( Asteartea )
      Kale Nagusia 42 atzea
      943 361774
    • Gil ( Asteazkena )
      Kale Nagusia 24
      943 361529
    • Acha-Orbea ( Osteguna )
      Hipodromo etorbidea 6
      943 363549
    • Gandarias-Uribe ( Ostirala )
      IƱigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48