'Antzerkiaren Nazioarteko asteburua' Lasarte-Orian
Kukuka Dantza eta Antzerki eskolaren eskutik, III. Antzerki Topaketez gozatu dute lasarteoriatarrek asteburuan. Zabala eta anitza izan da egitaraua: bost emanaldi eta familia osoarentzako tailer bat

Datorren asteartean, hilak 27, Antzerkiaren Nazioarteko eguna ospatuko da mundu osoan zehar. Lasarte-Orian ere bai, jakina. Dena den, Antzerkiaren Nazioarteko egunaz bainoago, Antzerkiaren Nazioarteko asteburuaz gozatu dugu gurean. Egitarau anitza eta zabala prestatu du Kukuka Antzerki eta Dantza eskolak: bost antzezlan eta familia osoarentzako tailer bat, Sasoeta ikastetxeko gimnasioan. Emanaldi horiek denek osatu dituzte III. Antzerki Topaketak.

Hika Teatroaren Txarriboda antzezlanak ireki du aurtengo egitaraua. Herritarrek Manuel Lekuona kultur etxeko auditorioa bete dute ostiral arratsaldean, Agurtzane Intxaurragak sortutako lana ikusteko. 

Larunbatean, berriz, hainbat aukera: goizean, familia ugari animatu dira Sasoeta ikastetxeko gimnasiora joan eta adin-tarte guztiei zuzendutako antzerki tailerrean parte hartzera. Bukatu eta gero, Gaztelekura joan dira hainbat, Kalean otso, etxean uso emanaldia ikustera. Arratsaldean jarraitu dute emanaldiek; Ttakunenean, 18:00etan, Inor ez dator taularatu du Amaia Irazabalek; handik ordubetera, Abend Kafe Antzokian, Gudua antzerkia eskaini dute Dorleta Urretabizkaiak eta Asier Hernandezek; eta, bukatzeko, Nerea Gorriti eta Ane de Miguelek osatutako bikoteak Zaharrak berri lana ekarri du Furia Beltza tabernara.

Argazki galeria

ARGAZKIAK
blog comments powered by Disqus
OHARRAK
  • Gazteen entsegu-lokalei buruzko bilera
    Lasarte-Oriako Udalak Gaztelekuan dauden entsegu-lokalen eskaera egin dute taldeak uztailaren 27an, arratsaldeko 18:30ean bilera bat egitera deitu ditu. Bileran lokalen erabilerari buruzko azalpenak eta entseguen egutegi eta ordutegia osatuko da.
  • Lasartearra elkarteko bazkidearen eguna
    Lasartearra elkarteak bazkidearen eguna antolatu du uztailaren 31n, San Inazio egunean: 11:30ean, txakolina edango da elkartean. 11:45ean, zendutako bazkideak gogora ekarriko dituzte ekitaldi xume batekin. Ostean, txupina eta auzoko tabernatan poteoa egingo dute, trikitilariek lagunduta. 14:30ean, bazkaria izango da elkartean. Bazkarian parte hartzeko bazkideek izena eman eta 20 euro ordaindu behar dituzte. Inskripzioa uztailaren 26a baino lehen egin behar da Lasartearra elkarteko bulegoan.
  • Hernani bidea itxiko dute
    Aurrera doaz Zabaleta Berriko lanak. Jarraitzeko, ordea, Hernaniko bidea itxiko dute. Lanen zuzendariak Txintxarri-ri azaldu dionez, hurrengo astetik aurrera itxiko dute bide hori. Hain zuzen, Pepenea baserria eta Hernaniko muga bitartean egongo da itxita. Baimena eskatu dute dagoeneko udalean, eta jaso bezain pronto itxiko dute errepidea. Ondorioz, astelehenean edo, beranduenez, asteartean ezin izango da errepide hori erabili. Bide alternatiboak jakinarazteko seinaleak jarriko dituzte. Hilabete pare bat behintzat egongo da itxita. Lanetako zuzendariak azaldu duenez, baimena iraila bukaera arte eskatu dute, baina litekeena da lehenago amaitzea.
AZKEN PDFa
1430 ( Uztailak 20 )
GUARDIAKO FARMAZIAK
Acha-Orbea ( Larunbata)
Hipodromo etorbidea 6
Tel: 943 363549
ASTEA
    • Acha-Orbea ( Igandea )
      Hipodromo etorbidea 6
      943 363549
    • De Miguel ( Astelehena )
      Kale Nagusia 32
      943 371151
    • Lasa ( Asteartea )
      Kale Nagusia 42 atzea
      943 361774
    • Gil ( Asteazkena )
      Kale Nagusia 24
      943 361529
    • Acha-Orbea ( Osteguna )
      Hipodromo etorbidea 6
      943 363549
    • Gandarias-Uribe ( Ostirala )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48