Alzheimerraren aurkako borroka luze baten ondoren, Lasarte-Oriak emandako zinemagile ospetsuenetarikoa zendu da. 1936an jaio zen, eta zinemagintzan bizitza luze eta emankorra izan du. Batez ere 1970eko hamarkadatik aurrera ekoitzitako ikus-entzunezkoek eman diote sona.

Baina aurretik ere ezaguna zen. 1962an Urrezko Maskorra irabazi zuen Donostiako Zinemaldian, Lección de arte filmagatik.  

Espainiako telebista publikoan egin du bidea Mercerok. Verano azul, Crónicas de un pueblo, Este señor negro, Farmacia de guardia eta Manolito Gafotas serieak zuzendu ditu. Ikus-entzunezko horiengatik idatzi du bere izena Espainiako zinemagintzan.

Hainbatetan saritu dute Mercero. Baina La Cabina (1972) filmarekin jo zuen goia nazioartean; New Yorkeko Telebista eta Zientzian Emmy Saria jaso zuen. 2006. urtetik ez du agerpen publikorik egin, gaixo zegoen eta. 

Kulturaren munduak doluminak agertu ditu. Baita Lasarte-Oriako Udalak. Haren izena eman zioten udaletxe berri pareko eraikinari.

ARGAZKIAK
blog comments powered by Disqus
OHARRAK
  • Hernani bidea itxiko dute
    Aurrera doaz Zabaleta Berriko lanak. Jarraitzeko, ordea, Hernaniko bidea itxiko dute. Lanen zuzendariak Txintxarri-ri azaldu dionez, hurrengo astetik aurrera itxiko dute bide hori. Hain zuzen, Pepenea baserria eta Hernaniko muga bitartean egongo da itxita. Baimena eskatu dute dagoeneko udalean, eta jaso bezain pronto itxiko dute errepidea. Ondorioz, astelehenean edo, beranduenez, asteartean ezin izango da errepide hori erabili. Bide alternatiboak jakinarazteko seinaleak jarriko dituzte. Hilabete pare bat behintzat egongo da itxita. Lanetako zuzendariak azaldu duenez, baimena iraila bukaera arte eskatu dute, baina litekeena da lehenago amaitzea.
AZKEN PDFa
1429 ( Uztailak 13 )
GUARDIAKO FARMAZIAK
Urbistondo ( Osteguna)
San Frantzisko 1
Tel: 943 366567
ASTEA
    • Orue ( Ostirala )
      Jaizkibel plaza 2
      943 362652
    • Acha-Orbea ( Larunbata )
      Hipodromo etorbidea 6
      943 363549
    • Acha-Orbea ( Igandea )
      Hipodromo etorbidea 6
      943 363549
    • De Miguel ( Astelehena )
      Kale Nagusia 32
      943 371151
    • Lasa ( Asteartea )
      Kale Nagusia 42 atzea
      943 361774
    • Gil ( Asteazkena )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48