Atzo arratsaldean Utzi bakean euskal gazteria. Espainiar faxismoarekin hautsiz, Altsasukoak aske! afixa buru, Altsasuko gazteei eta euren familiei elkartasuna adierazteko manifestazioa egin zen Lasarte-Oriako kaleetan barrena Ernaik deituta. Mobilizazioa amaitzean, Askatasunaren parkean guztiak bildu eta talde argazkia atera zuten.
Ekainaren 9an, larunbatean, berriz, Askatasunaren plazan izan zen elkarretaratzea. Altsasukoak aske lelopean, espetxeratuak izan diren altsasuarrak kaleratzeko eskatu dute, eta kasua "muntaia poliziala" dela salatu.
Biharko, larunbata 16, deituta dagoen manifestaziorako autobusak aterako direla Lasarte-Oriatik (Iruñean egingo dute nazio mailako manifestazioa). Trumoi tabernan dago izena emate orria eta gaur jasoko da.