San Pedro eliza eta Azpeitia altzari-denda zena apain-apain daude egunotan. Danok Kideren jaiotza lehiaketan parte hartu duten 74 herritarren lanak bertan daude ikusgai, urtarrilaren 5era arte, larunbata. Ahalegina eta imajinazioa dira antolatzaileek nabarmendu dituzten ezaugarrietako bi. Horiek saritu zituzten atzo eguerdian, elkartearen lokalean, Oria ibaiaren pasealeku ondoan.

Isabel Zuaznabar, Jesus Mari Egizabal eta Pako Hita dira Danok Kide elkarteko kideetako hiru. Eurak arduratu ziren sariak banatzeaz eta parte-hartzaile guztiak zoriontzeaz. "Maila artistiko altua erakutsi duzue, eta imajinazioa eta sormena erabili. Epaimahaiak komeriak izan ditu irabazleak erabakitzeko", nabarmendu zuen Zuaznabarrek. Eva Lizarraga eta Pilar Domingo lasarteoriatarrak arduratu dira lanen kalitatea aztertzeaz eta irabazleak zeintzuk diren erabakitzeaz. "Ordu asko pasa zituzten gure egoitzan, deliberatzen". Kategoria bakoitzeko lehenengo saria eskuratu zuten parte-hartzaileek egurrean egindako garaikurrak ere jaso zituzten. Javier Peña eta Jose Mari Telleriak egin dituzte denak, eskuz. Herritarrak dira horiek ere. Zuaznabarrek jakinarazi zuen 23 lan aurkeztu direla aurtengo edizioan, eta 74 pertsonak parte hartu dutela. Taldetan egin dute lan guztiek. Jose Manuel Mongeren Brancussi akademiako ikasleak izan dira horietako asko. "Jaiotzen bitartez erakutsi duzue posible dela elkarbizitza anaikor bat sustatzea, inor kanpoan utzi gabe. Eskerrik asko", adierazi zuen Zuaznabarrek, hunkituta.

Irabazleen zerrenda

Zuaznabarrek parte-hartzaile guztiak zoriondu zituen, baina esplikatu zuen ez zeudela sariak denentzako, merezi arren. Hala ere, makina bat gutun-azal banatu zituzten berak eta Jesus Mari Egizabalek; kategoria bakoitzeko bina. Adinaren arabera, hizki bat zegokion parte-hartzaile bakoitzari: A, B, C edo D, gazteenetatik hasita helduenetaraino. 

  • A kategoria: Brancussi akademiako ikasle taldea (1go saria) eta Santa Teresa ikastetxeko taldea (2. saria).
  • B kategoria: Brancussi akademiako ikasle taldea eta Adrian Serrano.
  • C kategoria: Sheila Serrano eta Brancussi akademiako ikasle taldea.
  • D kategoria: Sergio Revuelta eta Ana Barrera.
ARGAZKIAK
blog comments powered by Disqus
OHARRAK
  • Haurrei lehen sorospenak egiteko ikastaroa
    Gurutze Gorriak umetxo eta haurrei oinarrizko lehen sorospen ikastaro egiteko ikastaroa antolatu du otsailaren 2 eta 3an. Saioak 9:00etatik 14:00etara izango dira Lasarte-Oriako Gurutze Gorriko ikasgelan. 10 orduko ikastaroa da eta helduak zein haurrak edozein egoeratan sorosten irakatsiko da. Prezioa 45 eurokoa da eta plazak mugatuak dira. Izena emateko edo ikastaroari buruz informazio gehiago jasotzeko bidali mezua lasarte@cruzroja.es helbidera edo deitu 607 573 335 telefono zenbakira.
  • Igerilekua itxita larunbatea
    Igeriketa txapelketa dela eta, datorren larunbatean, urtarrilak 19, arratsaldez, Udal Igerilekua erabiltzaile ororentzat itxita egongo da. Udal kirol instalazioetako abonamendua dutenek Andoaingo Igerilekuak erabili ahal izango dituzte.
  • II. Bidaien diaporama lehiaketa
    Urnietako Gazte Informazio puntuak II. Bidaien diaporama lehiaketa jarri du abian. Lehen sarituak 300 euro eskuratuko ditu. Buruntzaldeako udaletako gazteek parte hartu dezakete, betiere, 2003 urtea baino lehenago jaiotakoak badira. Diaporamak 2011 urte ondorengo bidai bati buruzkoa izan behar du. Ikus-entzunezko materialarekin osatuko da eta 30-45 minutuko ahozko aurkezpena izango du. Aurkezpenak banaka edo taldean egingo dira. Taldeko gehienez 4 parte hartzaile izango dira. Izena emateko eta lanak aurkezteko epea urtarrilaren 25ean amaituko da. Izena ematea Lekaio kultur etxean, zein Gazte Informazio Puntuan edo Urnietako udalaren webgunean egin daiteke.
  • Meka Leku - Memoria liburua
    Aurten, 2019an, Meka Leku akademiak 25 urte betetzen ditu ateak lehen aldiz zabaldu zituenetik. Ospatzeko, hainbat ekitaldiren artean, 'Memoria' liburu bat sortu nahi du, Meka Lekuko ikasle ohien esperientziak, bitxikeriak edo pasadizoak biltzen dituena. Horretarako, honako posta elektronikoa ireki du: nimekalekun@gmail.com. Anima zaitez, eta kontatu nahi duzuna; zure oroitzapenak, bitxikeriaren bat... ahaztu ez duzun zerbait, ikasitakoa.
  • Biyak Bat elkartea Parisera
    Biyak Bat elkartea bidaia antolatu du Parisera, maiatzaren 28tik ekainaren 4ra arte. Elkarteko bazkideek 800 euro ordaindu beharko dituzte eta bazkide ez direnek, 875 euro. Plazaren erreserba egitea 200 euro balio du. Izena ematea abenduaren 26an irekiko da. Elkarteko bulegoan izena eman behar da, 10:00etatik 12:30era.
ZORION AGURRAK
ARATZ
Zorionak txapeldun!! Primeran pasa zure egunean. 9 muxu haundi ama, aita eta Aiurren partetik.
AZKEN PDFa
1448 ( Urtarrilak 18 )
GUARDIAKO FARMAZIAK
Orue ( Ostirala)
Jaizkibel plaza 2
Tel: 943 362652
ASTEA
    • Lasa ( Larunbata )
      Kale Nagusia 42 atzea
      943 361774
    • Lasa ( Igandea )
      Kale Nagusia 42 atzea
      943 361774
    • Urbistondo ( Astelehena )
      San Frantzisko 1
      943 366567
    • Gandarias-Uribe ( Asteartea )
      Iñigo de Loyola 9
      943 019521
    • Orue ( Asteazkena )
      Jaizkibel plaza 2
      943 362652
    • De Miguel ( Osteguna )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48