Adostasunik ez GHK-ko buru ohiak babesteko
Espainiako Kontu Auzitegiak Errazkin eta Intxaurrandieta GHK-ko arduradun ohiak errugabetu ditu, eta EH Bilduk mozioa aurkeztu du, "modu pertsonalean" elkartasuna adierazteko. PSE-EE, EAJ eta PPren aurkako botoekin bertan behera geratu da ekimena

Bi gai besterik ez zeuden urteko lehen ohiko udalbatzarrean, baina eztabaidak askorako eman du. Aho batez onartu dute udal ordezkariek lehen gaia; Donostiako Udal Musika eta Dantza Eskolaren eta Lasarte Oriako Udalaren arteko hitzarmena onetsita, lan poltsa komun berrien kudeaketa bateratua egingo dute. Bigarrenak ekarri du eztabaia, batez ere EH Bilduren hitzaldi luzearen ostean. Iñaki Errazkin eta Ainhoa Intxaurrandieta Gipuzkoako Hondakinen Kontsortzioaren arduradun ohien aldeko mozioa aurkeztu du, baina nahikoa babesik ez du lortu; PSE-EEk, EAJk eta PPk aurka bozkatu dute. Hori ikusita,  Espainiako Kontu Auzitegiak emandako epaiaren zati batzuk irakurri ditu Pablo Barrio bozeramaileak. Bertan Errazkin eta Intxaurrandieta errugabetzen ditu, eta ardura egozten die aurreko GHK-ko arduradunei, EAJ eta PSE-EEkoei. 

Epaia oinarri hartuta, adierazpen instituzionala eskatu du EH Bilduk, Errazkini eta Intxaurrandietari "modu pertsonalean" babesa eta elkartasuna adierazteko. Erraustegia eraikitzeko prozesuaren kronologia bat egin du Barriok, eta epaiaren hainbat elementu azaldu ditu: "Obra gaindimentsionatua zegoen, eta  orduko arduradunek bazekiten hori. Nahiz eta aldundiak kalte ordainak ordaindu, erraustegi hori ez zen bideragarria".

ADLOP Ahal Du Lasarte-Oria Puedek bakarrik babestu du ekimena. Aldeko sei botorekin (Kristina Bernal ez da garaiaz iritsi bozketara, trafiko arazoak tarteko), eta aurkako bederatzirekin, bertan behera geratu da mozioa. 

EAJren eta PSE-EEren esanak

EAJk bozkaren azalpena egiteko txanda baliatu du. Jon Antxordokiren esanetan, hondakinen kudeaketak "elkarbizitzaren krisialdia" eragin zuen pasa den legealdian. "Gutxiengo batek gehiengo demokratikoari bere jarrera inposatzearen estrategiak sortu zuen". Halere, ez du nahi erakundeetan "ekintza politikoan parte hartu dutenak ardura ekonomikoz kaltetuak" izatea.

PSE-EEren aldetik, Lourdes Acevedo zinegotziak hartu du hitza. "Kontu Auzitegiaren epaia ez da irmoa, eta EAEko Auzitegi Nagusiak emandakoren aurka doa". Horregatik, Acevedok argudiatu du helegite guztiak bukatu arte itxaron beharko litzatekeela, "justiziaren denborak errespetatzeko". 

ARGAZKIAK
blog comments powered by Disqus
OHARRAK
  • Haurrei lehen sorospenak egiteko ikastaroa
    Gurutze Gorriak umetxo eta haurrei oinarrizko lehen sorospen ikastaro egiteko ikastaroa antolatu du otsailaren 2 eta 3an. Saioak 9:00etatik 14:00etara izango dira Lasarte-Oriako Gurutze Gorriko ikasgelan. 10 orduko ikastaroa da eta helduak zein haurrak edozein egoeratan sorosten irakatsiko da. Prezioa 45 eurokoa da eta plazak mugatuak dira. Izena emateko edo ikastaroari buruz informazio gehiago jasotzeko bidali mezua lasarte@cruzroja.es helbidera edo deitu 607 573 335 telefono zenbakira.
  • Igerilekua itxita larunbatea
    Igeriketa txapelketa dela eta, datorren larunbatean, urtarrilak 19, arratsaldez, Udal Igerilekua erabiltzaile ororentzat itxita egongo da. Udal kirol instalazioetako abonamendua dutenek Andoaingo Igerilekuak erabili ahal izango dituzte.
  • II. Bidaien diaporama lehiaketa
    Urnietako Gazte Informazio puntuak II. Bidaien diaporama lehiaketa jarri du abian. Lehen sarituak 300 euro eskuratuko ditu. Buruntzaldeako udaletako gazteek parte hartu dezakete, betiere, 2003 urtea baino lehenago jaiotakoak badira. Diaporamak 2011 urte ondorengo bidai bati buruzkoa izan behar du. Ikus-entzunezko materialarekin osatuko da eta 30-45 minutuko ahozko aurkezpena izango du. Aurkezpenak banaka edo taldean egingo dira. Taldeko gehienez 4 parte hartzaile izango dira. Izena emateko eta lanak aurkezteko epea urtarrilaren 25ean amaituko da. Izena ematea Lekaio kultur etxean, zein Gazte Informazio Puntuan edo Urnietako udalaren webgunean egin daiteke.
  • Meka Leku - Memoria liburua
    Aurten, 2019an, Meka Leku akademiak 25 urte betetzen ditu ateak lehen aldiz zabaldu zituenetik. Ospatzeko, hainbat ekitaldiren artean, 'Memoria' liburu bat sortu nahi du, Meka Lekuko ikasle ohien esperientziak, bitxikeriak edo pasadizoak biltzen dituena. Horretarako, honako posta elektronikoa ireki du: nimekalekun@gmail.com. Anima zaitez, eta kontatu nahi duzuna; zure oroitzapenak, bitxikeriaren bat... ahaztu ez duzun zerbait, ikasitakoa.
  • Biyak Bat elkartea Parisera
    Biyak Bat elkartea bidaia antolatu du Parisera, maiatzaren 28tik ekainaren 4ra arte. Elkarteko bazkideek 800 euro ordaindu beharko dituzte eta bazkide ez direnek, 875 euro. Plazaren erreserba egitea 200 euro balio du. Izena ematea abenduaren 26an irekiko da. Elkarteko bulegoan izena eman behar da, 10:00etatik 12:30era.
ZORION AGURRAK
MAIDER
Zorionak maitia, 11 muxu pottolo gurasoen partetik. Maite zaitugu.
AZKEN PDFa
1448 ( Urtarrilak 18 )
GUARDIAKO FARMAZIAK
Orue ( Ostirala)
Jaizkibel plaza 2
Tel: 943 362652
ASTEA
    • Lasa ( Larunbata )
      Kale Nagusia 42 atzea
      943 361774
    • Lasa ( Igandea )
      Kale Nagusia 42 atzea
      943 361774
    • Urbistondo ( Astelehena )
      San Frantzisko 1
      943 366567
    • Gandarias-Uribe ( Asteartea )
      IƱigo de Loyola 9
      943 019521
    • Orue ( Asteazkena )
      Jaizkibel plaza 2
      943 362652
    • De Miguel ( Osteguna )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48