Aurtengo Korrikako edizioa erosoagoa izango da lasarteoriatarrentzat, ordutegi aldetik behintzat. Apirilaren 12an gurutzatuko du herria, ostiralez, 15:33ean. Egun horretan Mutrikutik Gipuzkoara sartuko da goizean goiz, eta Urola Kosta igaro ondoren (Zarautz 13:00etan), Orio eta Usurbil zeharkatuko ditu, Lasarte-Orian barneratzeko. Ondoren Donostiara joango da (16:28), eta Oiartzunera iritsiko da gauerdian, gero Tolosa aldera joateko. Igandean, apirilaren 12an amaituko da 21. Korrika, 12:30ean.