Arratsaldean Andatza plazako haurrentzako parkeak jarraipena izan du. Bertan arratsalde pasa dibertigarria egiteko aukera izan dute lasarteoriatar gaztetxoek. Bien bitartean, Palomo Linares elkartearen eskutik, zezen txikiekin eta poniekin ere aritu dira, Isla plazan. Sustoren bat ere izan da ekitaldian; ezustean zezen txiki batek agertokira salto egin eta bertan ikusten ari zen gaztetxo batek mina hartu du.

Sorginak eta aztiak, berriz, bertso-poteoan pasa dituzte herriko tabernak. Eguraldiak giroa zertxobait apaldu du, baina bertsolariak arduratu dira haien kantu eta okurrentziekin giro ona sustatzeaz. Lierni Rekondo herritarra aritu da mikroarekin, baita Asier ere. Biak Lasarte-Oriako Bertso Eskolakoak. Beñat eta Andonik lagundu dute. Bozgorailu eta mikroarekin, herriko tabernetan izan dira. Besteak beste, txosnetan, Ilargin eta Artizarren. Euria dela-eta geldialditxo bat egin behar izan dute Oriarte ondoko arkupetan. 

Bestalde, gauari hasiera eman aurretik dantza lehiaketa egin dute Jaizkibel plazan. Nabaritu da erakustaldirako entseguak egin dituztela; ezin hobeto mugitu dituzte gorputzak musikaren erritmora. Ruben Arranz (Erketz EDT), Amaia Caballero eta Patricia Martin (Gym Saito) izan dira epaimahaiak. Horren ostean, festarekin jarraitzeko, minidiskoarekin jarraitu dute.

blog comments powered by Disqus
OHARRAK
  • Hernani bidea itxiko dute
    Aurrera doaz Zabaleta Berriko lanak. Jarraitzeko, ordea, Hernaniko bidea itxiko dute. Lanen zuzendariak Txintxarri-ri azaldu dionez, hurrengo astetik aurrera itxiko dute bide hori. Hain zuzen, Pepenea baserria eta Hernaniko muga bitartean egongo da itxita. Baimena eskatu dute dagoeneko udalean, eta jaso bezain pronto itxiko dute errepidea. Ondorioz, astelehenean edo, beranduenez, asteartean ezin izango da errepide hori erabili. Bide alternatiboak jakinarazteko seinaleak jarriko dituzte. Hilabete pare bat behintzat egongo da itxita. Lanetako zuzendariak azaldu duenez, baimena iraila bukaera arte eskatu dute, baina litekeena da lehenago amaitzea.
AZKEN PDFa
1430 ( Uztailak 20 )
GUARDIAKO FARMAZIAK
Orue ( Ostirala)
Jaizkibel plaza 2
Tel: 943 362652
ASTEA
    • Acha-Orbea ( Larunbata )
      Hipodromo etorbidea 6
      943 363549
    • Acha-Orbea ( Igandea )
      Hipodromo etorbidea 6
      943 363549
    • De Miguel ( Astelehena )
      Kale Nagusia 32
      943 371151
    • Lasa ( Asteartea )
      Kale Nagusia 42 atzea
      943 361774
    • Gil ( Asteazkena )
      Kale Nagusia 24
      943 361529
    • Acha-Orbea ( Osteguna )
      Hipodromo etorbidea 6
      943 363549
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48