Txakurren jabeak kontzientziatzeko kanpaina berria
“Udalerri Lagunkoi baten alde. Jabe eredugarria nahi dut. Konpromisoa hartuko duzu?” kanpaina martxan jarri du Lasarte-Oriako Udalak. Helburua txakur jabeen, animalien eta herritarren arteko elkarbizitza hobetzea da

Astelehen goizean Udalerri Lagunkoi baten alde. Jabe eredugarria nahi dut. Konpromisoa hartuko duzu? kanpainako informazio gunea Okendo plazan izan da. Bertan izan dira udal arduradunak ere egitasmoaren berri emateko.

“Herritarren kexa ugari jasotzen dira txakur gorotzak edo txakurrak aske doazela eta, horregatik aurrekontuen parte hartze prozesuko proposamenetako bat izan da”, aipatu du Jesus Zaballo alkateak.

Alkateak azaldutakoaren arabera, enplegu planak  diruz lagunduta Lanbideren bitartez kanpaina diseinatu duen pertsona bat kontratatu da. Kanpaina Buruntzaldera zabalduko dela ere azpimarratu du: “Andoain eta Usurbilek ere aurrera eramango dute”.

Kanpainaren informazio gunea  auzoz auzo ibiliko da bi hilabeteetan zehar, otsailean eta apirilean. Gunean bi pertsona izango dira: Maider Jerico proiektuaren arduraduna eta Miriam Zuñiga animalien zentsuko arduraduna. Gunera hurbiltzen diren herritarrei Lasarte-Oriako animalien araudia banatu eta azalduko zaie, esate baterako, txakurrak paseatu daitezkeen eremuak.

Honen harira, urte honetan zehar, txakurra paseatzera atera daitekeen eremuetan orduteigak zehazten dituzten seinaleak jarriko direla, eman du jakitera alkateak.

Txakurraren osasunari buruzkoak gomendioak ere eskainiko dituzte  eta Miriam Zuñiga animalien zentsuko arduradunak aipatu duenez: “Gorotzen gaiarekin oso zorrotzak izango gara. Gorotzak jaso behar dira, gaixotasun asko zabaldu ahal baitira kalean edo parkean utzita. Kasu batzuetan, pertsonei ere kalte egin ahal diete.”

Isunen berri ere emango dute eta honen jarraipena udaltzainek egingo dutela jakitera eman dute. Horretarako mikrotxipak irakurtzeko bi gailu erosi direla ere adierazi dute.

Hiru aste daramatzate udaltzainen araudia betetzen den edo ez kontrolatzen. Oraingoz, okerreko jokabideren bat ikusten bada araudiaren eta isunen berri ematen zaiela jakitera eman du Iñaki Ijurco udaltzainak.

Jokabide onak dituzten herritarrei berriz, “sari modura” txapa bat banatuko zaie.

Honez gain, informazio gunean herritarren galderak erantzun eta kexak eta proposamenak ere jasoko dituzte.

“Kanpaina hutsean ez geratzea nahiko genuke. Jendeak konpromisoa benetan hartzea eta jarraipena izatea gustatuko litzaiguke,” adierazi du Maider Jerico kanpainaren arduradunak.

ARGAZKIAK
blog comments powered by Disqus
OHARRAK
  • Biyak Baten txangoa
    Biyak-Bat erretiratuen elkarteak irailaren 26an Fríasera, Burgosera irteera antolatu du. Autobusa 8:00etan aterako da elkarte aurretik. Fríasen Erdi Aroko ibilbide gidatua egingo da. Honetan gaztelua eta eliza ezagutuko dituzte irteeran izena ematen dutenek. Bazkaria Ortiz jatetxean izango da. Izena ematea irailaren 17an, astelehena irekiko da. Astelehenetik ostiralera goizeko 10:30etik 12:30era dago izena emateko aukera elkarteko bulegoan. Bazkideek 35 euro ordaindu behar dituzte; bazkide ez direnek, berriz, 45 euro.
  • Adineko pertsonen omenaldiko bazkaria
    Adineko pertsonen omenaldi astearen barruan, urriaren 7an, igandea, bazkaria antolatu dute Michelingo Kirol gunean. 500 pertsonentzako lekua dago. Irailaren 5ean, asteazkenean, irekiko da txartelak eskuratzeko epea eta irailaren 25ean amaituko da. Biyak Bat elkarteko bulegoan goizez 10:30etik 12:30era egingo da banaketa eta 8 euro balio dituzte. Antolatzaileek eskudirutan ordaindu behar dela gogorarazten dute. Bazkariaz gozatu ahal izateko baldintzak Lasarte-Orian erroldatua egotea eta 1953 urtean edo lehenago jaioa izatea dira. Salbuespen dira 1953 urtearen ondoren jaiotako bikotekideak. Lasarte-Orian erroldatuak ez badaude, gainera, 29,15 euro ordaindu beharko dituzte.
  • Kiroldegiko neguko ordutegia
    Herriko kirol instalazioetan neguko ordutegia indarrean dago irailaren 1etik. Kiroldegia astelehenetik ostiralera 7:00etatik 22:30era egongo da irekia. Larunbatetan, 9:00etan irekiko ditu ateak eta 20:00etan itxi eta igandetan berriz, goizez soilik erabili ahalko dira instalazioak 9:00etatik 13:00etara. Kirol Guneko erabilera ordutegia astelehenetik ostiralera 15:30etatik 22:30era da. Larunbatetan goiz eta arratsaldez egongo da irekia, 9:00etatik 20:00etara eta igandetan kiroldegiaren antzera, goizez 9:00etatik 13:00etara.
ZORION AGURRAK
UNAX
Zorionak Unax!!! Ze zoriontsu egin gaituzun bederatzi urte hauetan, asko maite zaitugu! Aita, ama, Oier eta Maddi.
AZKEN PDFa
1433 ( Irailak 14 )
GUARDIAKO FARMAZIAK
Lasa ( Osteguna)
Kale Nagusia 42 atzea
Tel: 943 361774
ASTEA
    • Gil ( Ostirala )
      Kale Nagusia 24
      943 361529
    • Orue ( Larunbata )
      Jaizkibel plaza 2
      943 362652
    • Orue ( Igandea )
      Jaizkibel plaza 2
      943 362652
    • Acha-Orbea ( Astelehena )
      Hipodromo etorbidea 6
      943 363549
    • Urbistondo ( Asteartea )
      San Frantzisko 1
      943 366567
    • Gandarias-Uribe ( Asteazkena )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48