Atseden pixka bat hartu, eta...opariak banatzera!
Bidaia luze baten ostean, Errege Magoak iritsi dira Lasarte-Oriara. Kabalgata bukatu berritan, atseden pixka bat hartzen ari dira orain Meltxor, Gaspar eta Baltasar, gauean zehar herritarren etxeetara joan eta opari mordoa utzi aurretik

Eguraldia aurreko urteetakoa baino okerragoa izan bada ere, Errege Magoek ez dute hutsik egin, eta gure herrian daude honezkero. Deskantsatzen ari dira orain, arnasa pixka bat hartzen, gauari ekin aurretik: lasarteoriatarren etxeak bisitatuko dituzte, banan bana, eta hainbat opari utzi. 

Herriko kaleetan zehar egin duten kabalgata izan da euren agenda estuko azkenaurreko ekintza. Oria auzotik abiatu dira, 18:00etan. Kale Nagusitik etorri dira, zaldien gainean, kalera atera diren herritarrak agurtu bitartean; hainbat gozoki ere banatu dituzte. Biyak Bat adinekoen egoitzan egin dute aurreneko geldialdia. Erregeak iristerako han zeuden udal musika eskolako ikasleak, arratsalde euritsua musikarekin girotzen. Egoitza barrura sartu, eta minutu batzuez bertako kideekin egon dira, gustura solasean. Ondoren, brigitarren komenturantz abiatu dira. Ilusio handiz egin diete harrera bertako mojek Meltxor, Gaspar eta Baltasar erregeei, eta baita laguntzaile zintzoei ere. Okendo plazara iritsi arte kabalgata ez da berriro geratu: atera dira Kale Nagusira berriro, joan dira Tajamarreko biribilgunera arte, jaitsi dira Pintore Kaletik, Geltoki Kalera joan gero, eta Okendora azkenean, Antonio Mercero gunetik sartuta. Ez dute bakarrik egin ibilbide hori guztia: beraiekin joan dira Jalgune Elkarteko kideak eta baita Ostargikoak ere. Udaletxera sartu aurretik, suziri koloretsuak ikusi dituzte, aho-zabalik, eta Jesus haurtxoari eta familiari intsentsua, mirra eta urrea ekarri.

"Zaindu maite duzuen hori"

Aterkiak eskuetan, herritar andana zeukaten zain erregeek Okendo plazan. Txaloka hartu dituzte ikus-entzuleek, udaletxeko balkoira atera direnean. Mikrofonoa hartu, eta hitz batzuk esan ditu bakoitzak. "Oparirik onenak zuen ondoan dauzkazue: lagunak eta familia. Zaindu maite duzuen hori", esan du Meltxorrek. Irakasgai baliotsua, inondik ere. Gasparrek eta Baltasarrek ere antzekoak bota dituzte jendaurrean, eta pare bat gutun irakurri ere bai.

Goiz-goizetik, ia geratu gabe

Goizean iritsi dira erregeak herrira. Atsobakar egoitzara joan dira aurrena, bertako egoiliarrak eta langileak bisitatzera. Beso-zabalik hartu dituzte Meltxor, Gaspar, Baltasar eta laguntzaileak. Opariak banatu dituzte, jakina, baina, batez ere, irribarreak eta ilusioa.

Ondoren, laguntzaileak Okendo plaza inguruan ibili dira, gaztetxoen eskutitzak jasotzen. Ez da izan hori gutunak biltzeko une bakarra, arratsaldeko bostak arte Brigitarren komentuan egon baitira hiru erregeak, herriko neska-mutilei harrera egiten eta eskutitzak hartzen.

Orain, esan bezala, atseden pixka bat hartu, kabalgatan zehar bustitako jantziak lehortu, eta opariak banatzeari ekingo diote erregeek, urtero legez. 

Argazki galeria

ARGAZKIAK
BIDEOAK
blog comments powered by Disqus
OHARRAK
  • Yoko-Garbi elkartearen bazkide kanpaina
    Zubietako YOKO-GARBI elkartean, bazkide izateko azken tokiak geratzen direla jakitera ematen du. Familia bonoak, jubilatuei deskontu bereziak, etab. daude. Elkartearen egoitza berria, Alamandegi etxean izango da Izena ematea Alamangi jatetxean edo yokogarbielkartea1@gmail.com helbidean egin behar da, urriaren 14-a baino lehen. Informazio edo azalpen gehiago behar izanez gero, yokogarbielkartea1@gmail.com helbidean eskainiko dira.
  • Erketzen urteurren bazkaria
    Erketz EDT urriaren 21ean bere 50. urteurreneko bazkaria antolatu du, Michelin kirol guneko pilotalekuan. Bazkari gozoa dastatzeko txartelak salgai daude Patricio tabernan, Mendi-Rock tabernan eta Ormazabal lora-dendan. Haurren bazkariko txartelak, 15 euro balio ditu; helduenak berriz, 35 euro. Urriaren 5era arte izango dira eskuragarri.
  • Adineko pertsonen omenaldiko bazkaria
    Adineko pertsonen omenaldi astearen barruan, urriaren 7an, igandea, bazkaria antolatu dute Michelingo Kirol gunean. 500 pertsonentzako lekua dago. Irailaren 5ean, asteazkenean, irekiko da txartelak eskuratzeko epea eta irailaren 25ean amaituko da. Biyak Bat elkarteko bulegoan goizez 10:30etik 12:30era egingo da banaketa eta 8 euro balio dituzte. Antolatzaileek eskudirutan ordaindu behar dela gogorarazten dute. Bazkariaz gozatu ahal izateko baldintzak Lasarte-Orian erroldatua egotea eta 1953 urtean edo lehenago jaioa izatea dira. Salbuespen dira 1953 urtearen ondoren jaiotako bikotekideak. Lasarte-Orian erroldatuak ez badaude, gainera, 29,15 euro ordaindu beharko dituzte.
  • Kiroldegiko neguko ordutegia
    Herriko kirol instalazioetan neguko ordutegia indarrean dago irailaren 1etik. Kiroldegia astelehenetik ostiralera 7:00etatik 22:30era egongo da irekia. Larunbatetan, 9:00etan irekiko ditu ateak eta 20:00etan itxi eta igandetan berriz, goizez soilik erabili ahalko dira instalazioak 9:00etatik 13:00etara. Kirol Guneko erabilera ordutegia astelehenetik ostiralera 15:30etatik 22:30era da. Larunbatetan goiz eta arratsaldez egongo da irekia, 9:00etatik 20:00etara eta igandetan kiroldegiaren antzera, goizez 9:00etatik 13:00etara.
Lasarte-Oria
Gaur ez dago ekitaldirik Lasarte-Orian.
ZORION AGURRAK
IÑAKI
Zorionak!! Zure urtebetetzeko ospakizunak eta gero, ezkontzarako indarrak izatea espero dugu!! Ongi pasa!! Ttakuneko lankideak
AZKEN PDFa
1434 ( Irailak 21 )
GUARDIAKO FARMAZIAK
Urbistondo ( Asteartea)
San Frantzisko 1
Tel: 943 366567
ASTEA
    • Gandarias-Uribe ( Asteazkena )
      Iñigo de Loyola 9
      943 019521
    • Orue ( Osteguna )
      Jaizkibel plaza 2
      943 362652
    • De Miguel ( Ostirala )
      Kale Nagusia 32
      943 371151
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    • Lasa ( Astelehena )
      Kale Nagusia 42 atzea
      943 361774
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48