Jalguneko kideak gai dira sekulako jaialdia antolatzeko. Gai dira Manuel Lekuona kultur etxeko aretoa leporaino betetzeko. Gai dira ikusentzuleak hunkitzeko, eta barre-algaraka jartzeko. Gai dira hilabeteotan tentuz eta maitasunez entseatutako guztia oholtza gainera eramateko. Gai dira eguneroko errutinako enkargu eta zereginak egiteko. Gai dira bizitzaren momentu txikienetatik ere zuku guztia ateratzeko. Bai, gai dira. Edozertarako.

Lasarte-Orian gai gara leloa erabili dute aurtengo jaialdirako. Ausartuko gara gu ere esloganen bat proposatzen. Adibidez: Gai direlako, jai! Jaia, festa, eta nolakoa gainera. Atzo arratsaldeko bost eta erdietan hasi ziren Jalguneko kideak herria girotzen, Dinbi Banda batukada taldekoen laguntzaz. Beheko kaletik abiatu ziren, eta erdigunea zeharkatu eta gero, Manuel Lekuona kultur etxera iritsi. Prest zuten oholtza, eta ikusentzuleak arretaz begira, Jalgunekoek prestatutako sorpresak deskubritzeko irrikaz.

Dantzan, atsedenaldira arte

Esan dugu: Jalgune gai da edozertarako. Adibidez, dantzatzeko. Ederki, gainera. Horrela ekin zioten atzoko jaialdiari: oholtza gainera igo, musika topera jarri, eta gorputzak astindu, gozatu, ondo pasa. Tartean, 2017ko momentu onenak gogoratu zituzten, bideo baten bitartez: abuztuko oporrak Extremaduran, Semblante Andaluz elkartearen 25. urteurrenaren ospakizuna, Aspaceko lagunekin jolasten primeran pasa zuten eguna, eta beste hainbat. 

Datorren urteko jaialdiko bideoan sartzeko moduko erakustaldia etorri zen ondoren. Superheroiez eta hainbat pelikula famatutako pertsonaiez jantzita atera ziren oholtzara: E.T. estralurtarraz, El Guardaespaldas (Bizkartzaina) edota Titanic filmeko protagonistez... Euren gorputz-atalak bakarrik ez, imajinazioa ere jarri zuten dantzan oholtza gainean.

Dantzatzeaz gain, egunero-egunero hainbat gauza egiten ditugu, ia konturatu gabe askotan. Kontua da balioa eman behar zaiela horiei ere: gai izan behar da ogia erostera joateko, lore-sorta bat enkargatuta uzteko, tresnak konpontzera eramateko... Jalgune elkarteko kideak horretan ere trebeak dira, beste bideo batean erakutsi zutenez.

Semblante Rociero eta Xumelarekin batera

Jaialdiaren bigarren zatia Semblante Rociero eta Xumela koruetako kideekin hasi zuen Jalgunek. Oholtzaz gain, abesti, kantu eta maitasun keinuak partekatu zituzten beraiekin. Zorionak zuri abestu zuten, 25 urte bete dituelako Semblante Andaluz elkarteak; Mikel Laboak abesten zuen Hegoak ebaki banizkio ezagunari koreografia jarri; eta Manuel Lekuona kultur etxean zegoen pertsona oro dantzan jarri, Epo i tai tai e kantatuz. Bai: gai dira eurek bizitzaz gozatzeko daukaten gogoa transmititzeko.

Ez pentsa dantzatzeaz eta kantatzeaz nekatu zirenik aipatu bi koruekin taula gainean aritu eta gero. Beste sorpresa harrigarri bat zeukaten prest: binaka edo hirunaka, urrats batzuk aurrera eman eta mikrofono aurrera joaten hasi ziren, hainbat abestiren zatiak kantatzeko, eta aurreko hilabeteetan entseatutako koreografiak erakustera. 

Arratsaldean zehar erabilitako dinamika jarraitu zuten beste behin: zuzeneko emanaldiak, momentukoak, aurrez grabatutako bideoekin nahastu. Laburmetraia horiek hainbat irudi erakutsi zituzten, eta baita mezu indartsu eta balioak transmititu ere. Adibidez, honakoa: "Laguntza behar badut, eskatuko dut; laguntza gehiegik nekatu egiten du". Edo beste hau: "Despacito-despacito (pixkanaka-pixkanaka), gauzak egiteko gai gara". 

Talde argazkia, bukatzeko

Beste hainbat koreografia oholtzaratu eta gero, jaialdia biribiltze aldera, talde argazki erraldoia atera zuen Jalgunek, hainbat laguntzaile eta lagunekin batera. Txiki geratu zen auditorioko oholtza. 

Argazki galeria

Bideoteka

ARGAZKIAK
BIDEOAK
blog comments powered by Disqus
OHARRAK
  • Odol-ateratzearen egun aldaketa
    Lasarte-Oriako odol emaileen elkarteak ohartarazten du, hilabete honetan azken astelehena Eguberri eguna izanik, odol-ateratzeen eguna aurreratzen dela. Hilabete honetako hitzordua, beraz, abenduaren 22ean, ostirala izango da. Beti bezala Osasun Zentroan eman ahal izango da odola, 17:30etik 20:30era. Anima zaitezte, odola ordezkaezina da eta odol falta dago!
  • EHP sarreren salmenta eta taberna kudeatzeko gonbidapena
    Lasarte-Oriako Udalak herriko irabazi-asmorik gabeko elkarte eta entitateak (kirol-taldeak eta kultura-taldeak, elkarte solidarioak, etab.) abenduan Michelingo frontoian antolatu ohi den Eguberrietako Haurren Parkeko (EHP) sarreren salmentaren eta tabernaren kudeaketan parte hartzera gonbidatzen ditu. Hautatutako taldearen erantzukizuna izango da EHPko sarreraren kontrola bezala tabernaren kudeaketa ere EHPa irekita dagoen orduetan. Salmentarako sarrerak (helduek, euro batean) Gazteria, Festak eta Kirolak departamentutik emango dira zuzenean. Tabernaren kudeaketak haren horniketa eta ustiaketa inplikatuko du, eta lortutako irabaziak, berriz, hautatutako taldearentzat izango dira osorik. Oraingo honetan, aukera izango da sarreren kudeaketaz bakarrik arduratzeko. Laneko egunak 9 izango dira, eta Interesaturik dauden talde eta entitateek aldez aurretik justifikatu beharko dute hura kudeatzeko gaitasun eta pertsonal nahikoa badaukatela. Prozedura honako hau izango da: Deialdi irekia egingo zaie udalerriko talde eta entitate guztiei. Interesatuek eskaera bat aurkeztu beharko dute abenduaren 14a baino lehen udaletxeko erregistroan. Onartutako eskaera guztiekin lista bat egingo da, eta zozketa eginez zehaztuko da zeinek kudeatuko duen 2017ko Eguberrietako Haurren Parkea. Lortutako zerrenda hori datozen urteetan Eguberrietako Haurren Parkea zein taldek edo entitatek kudeatuko duen erabakitzeko erabiliko da, zerrenda horretan zenbatgarren dauden kontuan izanda.
  • Inauteriak prestatzeko bilera
    Datorren abenduaren 13an, 18:00etan, 2018ko Inauteriak prestatzeko bilera egingo da kultur etxean. Bertan parte izan nahi duten talde guztiak animatzen ditu udalak hurbiltzera
  • San Tomaseko postu eskaera
    San Tomas arratsaldean azoka egongo da Okendo plazan. Honetan Ttakunek jartzen duen talo postu eta txerriaz gain, azken urteetan herriko hainbat elkartek edo norbanakoek txistorra, salda, tortila edo gozokiak saltzen dituzte haien ekimenetarako dirua biltzeko. Azokan parte hartu nahi dutenek, abenduaren 18a baino lehen egin behar dute eskaera. Bi baldintza bete behar dira batetik eguneko giroan txertatzea, hau da, baserritarrez jantzia joan eta postua apaintzea eta bestetik, harrera euskaraz egitea. Postua eskatu nahi dutenek kultura@ttakun.eus-era mezua bidali behar dute.
Lasarte-Oria
Gaur ez dago ekitaldirik Lasarte-Orian.
ZORION AGURRAK
MAITANE
Zure haurtzaroa zurekin eramaten baduzu ez zara inoiz zahartuko. ZORIONAK!!!
AZKEN PDFa
1402 ( Abenduak 1 )
GUARDIAKO FARMAZIAK
Acha-Orbea ( Asteazkena)
Hipodromo etorbidea 6
Tel: 943 363549
ASTEA
    • Urbistondo ( Osteguna )
      San Frantzisko 1
      943 366567
    • Gandarias-Uribe ( Ostirala )
      Iñigo de Loyola 9
      943 019521
    • De Miguel ( Larunbata )
      Kale Nagusia 32
      943 371151
    • De Miguel ( Igandea )
      Kale Nagusia 32
      943 371151
    • Orue ( Astelehena )
      Jaizkibel plaza 2
      943 362652
    • De Miguel ( Asteartea )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48