Udalak martxan jarri duen Irisgarritasun Planean ekarpenak egin ahal izango dituzte herritarrek
Hastera doa Irisgarritasun Plana lantzeko prozesua. Herritarren ekarpenak kontua hastu asmo ditu udalak, eta horretarako bihar izango da lehen parte hartze bilera. Herritarrei deia luzatu diete horretan parte hartzera joan daitezen

"Desgaitasuna, edota mugikortasun arazoak dituzten pertsonekin sentsibilizazioa du Lasarte-Oriako Udalak". Horrela nabarmendu du Jesus Zaballos alkateak gaur goizean, eta hori dela eta, herriko irisgarritasuna hobetzeko plan bat jarri du martxan, udalak. Horren berri eman du gaur goizean egindako agerraldi baten bitartez.

Ingurumen zinegotzi Agustin Valdiviarekin batera egin dute agerraldia, eta honek azaldu duenez, Ingartek enpresa izango da plana aurrera eramango duen enpresa. Guztira, 38.586,90 euroko kostua izango du (hori izan zen aurkeztutako enpresen artean, irabazleak, Ingartekek aurkeztutako proposamen ekonomikoa). Horretarako, Eusko Jaurlaritzarengandik 30.375 eurotako diru laguntza jaso dute. 

Sergio Barreña Ingartek enpresako kideak agerraldian azaldutakoaren arabera, herritarren iritzi eta proposamenak ere kontuan izango dira, eta horretarako, parte hartze prozesuak hiru bilera ireki izango ditu. Lehena, bihar bertan egingo da, Manuel Lekuona Kultur Etxean, arratsaldeko 18:00etan. Horretan, Lasarte-Oriako irisgarritasunaren egoera aztertu, eta lehentasunen araberako balorazio bat egingo da. Jakitera eman dutenez, lau eremu izango dira aztertuko direnak: erabilera publikoko guneak, garraioa, komunikazioak eta eraikin publikoak.

Herritar guztiei zabaldutako lehen deialdi honetan, auzo elkarteak, pertsona desgaituen elkarteak eta beste zenbait elkarte ere gonbidatu dituzte.

Horren ostean, bigarren bilera bat egingo da, eta bertan, irisgarritasunaren diagnostikoa aurkeztuko da. Horrekin batera, herritarrek egindako proposamenen eta ekarpenen lehen balorazioa egitearekin batera, ekarpenak egiten jarraitzeko bigarren txanda bat irekiko da.

Hirugarren eta azken bileran, berriz, irisgarritasun plan osoa azalduko da. Aurrera eramango diren lanen berri emango da, baita urteka gauzatuko diren etapen berri ere. 

 

 

ARGAZKIAK
blog comments powered by Disqus
OHARRAK
  • Akats zuzenketa
    Egun hauetan EH Bilduk 2017ko udal aurrekontuen exekuzio mailari buruz buzoneatu duen eskuorrian oker bat eskapatu zaigu azkenengo paragrafoan. Bertan, Ahal Du Lasarte-Oria Puede alderdiak 2017ko Udal Aurrekontuen aldeko bozka eman zuela esaten da. Ez da horrela, ez zuen aldeko bozka eman. ADLOP abstenitu egin zen. 2016ean izan zen aldeko bozka ematea, eta hortik gure nahasketa. Zintzoki akatsa onartu eta sortutako kaltearengatik ADLOP-ri barkamena publikoki eskatzea dagokigu eta horrela egiten dugu ohar honen bidez.
  • Kirol instalazioen ordutegia San Pedro jaietan
    San Pedro jaietan kirol instalazioek ordutegi berezia izango dute. Ekainaren 28an, osteguna, igerilekua 9:00etatik aurrera itxita egongo da; Maialen Chourraut kiroldegi osoa, berriz, arratsaldean itxiko dute. Ekainaren 29an eta 30an, ostirala eta larunbata, Maialen Chourraut kiroldegia itxita egongo da.
  • Sorgin Dantza entsegua ekainaren 26an
    Sorgin Dantzako antolatzaileek jakitera ematen dute, ekainaren 26an, asteartea, entsegua izango dela. Ohi bezala saioa arratsaldeko 20:00etan hasiko da Okendo plazan. Eguraldi txarra eginez gero, Landaberri-Garaikoetxea ikastetxean egingo da.
  • Odol ateratzea
    Hilabeteko azken astelehenean, ekaianren 25an, eman ahal izango da odola Osasun Zentroan, 17:30etik 20:30era. Anima zaitezte, odola ordezkaezina da eta odol falta dago!
Lasarte-Oria
Gaur ez dago ekitaldirik Lasarte-Orian.
ZORION AGURRAK
ARAY
Zorionak txapelduna zure 7. urtebetetzean, zure familiaren partez! Asko maite zaitugu. Paaaa!
AZKEN PDFa
1427 ( Ekainak 22 )
GUARDIAKO FARMAZIAK
Acha-Orbea ( Igandea)
Hipodromo etorbidea 6
Tel: 943 363549
ASTEA
    • Lasa ( Astelehena )
      Kale Nagusia 42 atzea
      943 361774
    • Gil ( Asteartea )
      Kale Nagusia 24
      943 361529
    • Acha-Orbea ( Asteazkena )
      Hipodromo etorbidea 6
      943 363549
    • Gandarias-Uribe ( Osteguna )
      IƱigo de Loyola 9
      943 019521
    • Urbistondo ( Ostirala )
      San Frantzisko 1
      943 366567
    • Urbistondo ( Larunbata )
      San Frantzisko 1
      943 366567
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48