Jesus Zaballos alkateak, Gizarte Zerbitzuetako arduradun Lourdes Acevedok eta Goyo De Miguel Biyak Bateko zuzendaritzako kideak Adinekoen omenezko aste honetako nondik norakoak azaldu dituzte.
Igande eguerdian, urriak 1ean, herriko Adinduen omenezko asteari hasiera emango zaio bandera igotzearekin. Meza, dantza eta kantu emanaldia eta bazkaria ere izango dira egun horretan. Bazkarian pertsona adinduenei eta 80 urte bete dituztenei oroigarriak banatuko zaizkie. Ostean, dantzaldiaz gozatuko dute.
Baina ez dira hauek ekintza bakarrak izango. Biyak Bateko Goyo de Miguelek gaurko agerraldian astelehenetik urriaren 8ra, hainbat ekintza zerrendatu ditu: lehiaketak, Biyak Bat elkarteko taldeen erakustaldiak, ibilbide neurtua, urrezko ezteiak ospatzen dituzten bikoteen eguna edo elkartearen 30. urteurrena.
Jesus Zaballos alkateak azaldu legez, elkarteak lan handiz antolatutako astea da eta pozik agertu da aurreko urteetako parte hartzea dela eta. Aurten ere horrela izateko, herritarrak gonbidatu ditu asteko ekintzetan parte hartzera.
Bestalde, Lourdes Acevedo gogoan izan ditu Lasarte-Orian arazo fisikoengatik edo dena delakoagatik etxean egon behar duten 140 herritarrak, “aste hau haien omenez ere bada”.
Eta pertsona adinduek duten garrantzia azpimarratu du, “ez genituzke aste honetan bakarrik gogoan izan behar, urteko 365 egunetan baizik”.
Egitaraua
Igandea 1
10: 15ean, Bandera igoera eta aurreskua, Biyak Bat egoitza
11:00etan, Meza, San Pedro parrokian
12:00etan, kalejira Manuel Lekuonara
12:30ean, Biyak Bat abesbatzaren eta Amaia Gonzalez Caballeroren saioa, Manuel Lekuona
14:00etan, bazkaria, Michelingo pilotalekuan
16:00etan, dantzaldia Ruby Berriak taldearen eskutik, Michelingo pilotalekuan
Astelehena 2
16:30ean, Toka, igela eta pote txapelketak, Isla plaza
18:00etan, Bingoa, Biyak Bat egoitza
20:00etan, sari banaketa, Biyak Bat egoitza
Asteartea 3
16:00etan, Gimnasia erakustaldia, kiroldegia
19:00etan, Sun Magoa, Biyak Bat egoitza
Asteazkena 4
18:30ean, Biyak Bat eta Trintxerpeko abesbatzen saioa, Brigitarren komentua
Osteguna 5
17:00etan, Lerroko dantzak, Okendo plaza
19:00etan, Kike Biguriren bakarrizketa, Biyak Bat egoitza
Ostirala 6
11:00etan, Ttipi Ttapa. Ondo Ibili, Okendotik hasita
Ostean, luntxa, Biyak Bat egoitza
17:00etan, dantza txapelketa, Biyak Bat egoitza
Larunbata 7
9:30ean, Ibilaldi neurtua, Okendo plaza
Igandea 8 – Urrezko ezteiak eta elkarteko 30. urteurrena
10:40ean, txistulariekin kalejira, egoitzatik Brigitarren komentua
11:00etan, meza Biyak Bat abesbatzak girotuta, Brigitarren komentua
Ateratzean, luntxa
13:00etan, Opari banaketa, Biyak Bat egoitza
14:30ean, bazkaria, Abend kafe-antzokia
Ostean, dantzaldia