Zelaia eta Barbado gazteei elkartasuna adierazi diete
2021ko ots. 6a, 13:41
Ernai Lasarte-Oriak deituta hamarnaka lasarteoriatarrek parte hartu dute eguerdian Okendo plazan egindako elkarretaratzean. Espainiako Auzitegi Nazionalak Aitor Zelaia eta Galderr Barbadori ezarritako launa urteko espetxe zigorra gaitzetsi eta elkartasuna adierazi diete bi gazte arabarrei. Auzia salatzeko 'Ankerkeria Stop' herri egitasmoaren testuinguan kokatzen da ekintza. 2019ko otsailaren 8an atxilotu zituen Ertzaintzak "armak, munizioak eta lehergailuak edukitzea, eta horiek helburu terroristarekin gordetzea eta trafikatzea" leporatuta.