"Romeo eta Julieta" William Shakespeare idazlearen obra ezagunenetako bat bat da. Markeliñeren proposamenak kontakizuna mantendu arren, berezitasun ugari erakutsi dizkie kultur etxeko ikusleei. Kapela jokoa eta zirkua. Bi elementu horiek ez dira jatorrizko antzezlanean ageri, baina honetan ezinbestekoak dira. Buruan duenak hitz egiten du, pertsonaia bilakatzen da, Romeo, Julieta edo narratzailea. Hala, Montesco eta Capuleto sendien arteko ezinikusiari jaramon egin gabe maitemindu egingo diren bi nerabeen istorioa kontatzen dute, baina modu berezian. Akrobaziak, oreka eta zirku teknikan oinarritutako mugimendu ikusgarriekin adierazten baitituzten pertsonaia horien sentimenduak.