Lasarte-Oriako pentsiodunen mugimenduak eskualdeko herritarrak deitu ditu bihar Donostian aurrera eramango duten manifestaziora. Pentsiodunak, langileak, emakumezkoak, gazteak... denei eskatu diete Pentsio Sistema Publikoaren aldeko protestan parte hartzeko.
Manifestazioa Alderdi Ederretik abiatuko dute 18:00etan. 17:30ak aldera, lasarteoriatarrak kioskoaren bueltan elkartzen joango dira Lasarte-Oriako pankarta atzean ibilbidea osatzeko asmoz.