Sare Herritarrak antolatuta, Mercero gunean presoen errealitatea bistaratzeko bigarren ekitaldia egin zuten astearte iluntzean. Azken arnasa arte dokumentala eman zuten, eta ondoren, Lasarte-Oriako euskal presoen senideek haien egoera kontatu zuten. Ibon Fernandez, Xabi Gallaga eta Aitzol Iriondo dispertsatu dituzte urruneko kartzeletan. Gaur, hilabeteko azken ostiralean, manifestaziora deitu dute.