Lasarteoriatar talde batek, Udaleko Gizarte Zerbitzuen sailarekin eta Semblante Andaluz elkartearekin batera, txokolate jan solidario bat antolatu dute: edalontzi bete txokolate, euro baten truke. Egingo duten hirugarren aldia izango da, eta haurren minbiziaren ikerketa bultzatzeko asmoz antolatu dute. Larunbat honetan, hilaren 25ean izango da, 10:00etatik 19:00etara, Okendo plazan.
Egun osoko egitaraua prestatu du Lasarte-Oriako Presoen Aldeko Batzordeak hilaren 25erako, larunbatarekin: Dispertsioaren Eguna. Euskal presoen sakabanatze politika kritikatu eta amaitzeko eskatzeaz gain, Argi Iturralde eta Iñaki Balerdi herritarrak oroituko dituzte, hilaren 28an bi hamarkada beteko direlako auto istripuz hil zirela, Juankar Balerdi senidea bisitatzera zihoazela, Almeriako espetxera. EGITARAUA Omenaldi ekitaldia Teresategi mendian, 12:00etan. Bi zutabe aterako dira, 10:30ean bat eta 11:00etan bestea, Okendotik eta Zabaletako plazatik, hurrenez hurren. Okendo plazan, 12:30ean: talde argazkia. Xirimiri elkartean, 14:00etan: bazkaria (barrikotea). Okendo plazan, 19:00etan: ekitaldia. Eguraldi txarra egiten badu, Oriarte Landaberri institutuan. Okendo plazan, 20:30etik aurrera: kontzertuak: Kinada eta DJ Fantasia. Eguraldi txarra egiten badu, Oriarte Landaberri institutuan.
Pinocchio antzezlanaren emanaldia egingo du Txalo Produkzioak-ek, haurrentzat. Sarrerek 4 euro balio dute eta kultur etxeko leihatilan nahiz Kutxabank Sarrerak atarian eros daitezke.
Maiatza | ||||||
---|---|---|---|---|---|---|
al | ar | az | og | ol | lr | ig |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 |