Lore eta Landareen azoka antolatu dute Behemendi elkarteak eta Lasarte-Oriako Udalak. Larunbat honetan izango da, apirilak 24, Andatza plazan, 10:00etatik 14:00etara. COVID-19aren eraginez, merkatu berezia izango da aurtengoa, baina koloretsua. Hamalau landare-haztegik jarriko dituzte haien produktuak erakusgai feria horretan.
Sorgin Jaiak, Ernai Lasarte-Oria eta Elebeltz Topagunea eragileek elkartasun-argazkia ateratzera deitu dituzte herritarrak. Okendo plazan bilduko dira apirilaren 24an, 12:30ean. Lekarozeko (Nafarroa) hainbat herritar 228 etxebizitza, lau izarreko hotel bat eta golf-zelai bat eraikitzeko hirigintza-proiektuaren aurka ari dira borrokan urte luzez; egun hauetan akanpada mugagabea egiten ari dira, "obrak gelditu arte".
Jon Garañok eta Jose Maria Goenagak zuzendutako 80 egunean filma eskainiko da. Sarrera, 3 euro. Jatorrizko hizkuntzan eskainiko da gaztelaniazko azpidatzizkiekin. 2010. urteko film honek zahartzaroan laguntasuna, askatasuna eta desira mahaigaineratzen ditu. Filmak sari ugari jaso ditu, bai Donostiako Zinemaldian Donostia Film Comissionen saria eta Gehitu elkartearen Sebastiane saria irabaziz, baita Txekiar Errepublikako, Italiako, Frantziako eta Alemaniako hainbat Zinemalditan ere.
Maiatza | ||||||
---|---|---|---|---|---|---|
al | ar | az | og | ol | lr | ig |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 |