Asteazkena, azaroak 27

18:00

Ipuin kontaketa - Pello Añorga

4 eta 6 urte arteko haurrak ipuinen munduan barrena eramango ditu Pello Añorgak.

19:00

Erradikalak ginen ikuskizuna

Ane Labakak eta Bea Egizabalek Erradikalak ginen emanaldia eskainiko dute. Erradikalak gara emanaldiaren bigarren zatia da. Sarrera, 3 euro. Erradikalak ginen, gara eta izango gara. Bigarren aldiak inoiz onak izan ohi ez direla diotenei aurka egitera gatoz. Lehen aldi hartako pasioz, korseak askatuta, bertso eta bakarrizketa bidezko formatuari eutsi eta buruberokiak eduki berriz betetzeko gogoz. “Neska gazte promesa” etiketaz, zahartzeaz, gorputzaren aldaketez, sexualitateaz, merkatu patriarkalaz, intersekzionalitateaz, beldurraz, biolentziaz eta zeharkatzen gaituzten beste hainbat gaiz kantatu eta kontatu nahi dugu. Feminismoa zeharlerrotzat hartuta eta umorez. Umorez, beraz, serio. Genero indarkeriaren asteko egitarauko ekimena da.

'Nuestros cuerpos, territorios diversos' erakusketa

Nuestros cuerpos, territorios diversos erakusketa jarri dute. Azaroaren 30era arte egongo da ikusgai. Genero indarkeriaren aurkako nazioarteko eguneko egitarauko ekimena da.

17:00

'Ideiak iztartzen' erakusketa

Jose Luis Elexpe Pelex-en Ideiak iztartzen erakusketa ikusgai izango da, abenduaren 16a arte. Aurkezpena  azaroaren 16an, 20:00etan egingo da.