Mascotas 2 animaziozko filma ikusgai izango dute haur eta gaztetxoek. Sarrera, 3,80 euro.
Una íntima convicción filma eskainiko dute helduen zinema atalean. Sarrera, 5,50 euro. Una íntima convicción Antoine Raimbault zuzendariaren lehen film luzea da. Frantziako kritikak eta ikusleek lana goretsi zuten. Frantzian zeresan handia izan zuen Viguier epaiketan oinarritua dago filma. Emakume bat desagertu eta bere senar ohia atxilotu eta haren heriotza egotzita bitan epaitu zuten. Bietan geratu zen aske kargurik gabe. Atxiloketak eta epaiketak oihartzun handia izan zuen komunikabideetan eta hori ere islatzen du filmean. Raimbaultek bigarren epaiketako hitzez-hitzeko pasarteak, egiaztatutako benetako gertaerak, gizartearen usteak eta berak imaginatutako pasarteak nahasten ditu. Nora filmeko protagonista, esate baterako, asmatutako pertsonaia da. Norak Viguier errugabe dela uste du. Bigarren epaiketa egingo dela jakitean, zalantza eskubidean sinesten duen abokatu bat konbentzitzen du Viguier epaiketa horretann defendatzeko. Biek bidegabekeriaren aurka borrokatuko dute. Abokatuak audio-grabazio batzuk entzuteko eskatzen dio Norari eta egiaren bilaketa obsesio bilakatzen du filmaren protagonistak.
Zorione Mendez artistaren Marrak erakusketa. Urriko asteburuetan bakarrik izango da ikusgai. Ostiraletan 17:00etatik 20:00etara; larunbatetan eta igandeetan, 12:00etatik 14:00etara eta 17:00etatik 20:00etara.
Mundu Bat elkarteak Saharako errefuxiatuen kanpamenduetan egindako argazkien erakusketa ikusgai jarri du.
Maiatza | ||||||
---|---|---|---|---|---|---|
al | ar | az | og | ol | lr | ig |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 |