Haurren zinema atalean, Mi vecino Totoro filmaz gozatuko dute. Sarrera, 3,80 euro. 50. hamarkadan japoniar familia bat landa eremura aldatuko da bizitzera. Bi alabek, Satsukik eta Meik,Totoro basoko ispirituarekin harremanetan jarriko dira.
Helduen zinema atalean, El Blues de Beale Street filma ikusi ahalko da. Sarrera, 5,50 euro. James Baldwin idazlearen If Beale Street Could Talk liburuan oinarritutako filma aurkezten du oraingoan Barry Jenkins zuzendariak. Oscar sarietan Regina Kingek taldeko emakumezko aktore onenaren saria eskuratu du. Egokitutako gidoi onena eta Jatorrizko soinu banda onenaren sarietarako ere hautagai zen filma. 1970eko hamarkadako mugimendu zibila handia da, baina komunitate afro-amerikarrak oraindik bidegabekeriak jasaten ditu. Harlem auzoa. Tish eta Fonny bikotea pozik bizi da. Zoritxarrez, Fonnyri emakume bat bortxatu izana egozten diote. Fonny espetxeratu eta haurdun dagoela jakiten du Tishek. Umea jaio baino lehen Fonny kalean egotea nahi du guztik batera bizitzeko. Horregatik, Tishek bere bikotekidearen errugabetasuna frogatzeko borrokan hasi beharko du. Horretarako, bere familaren laguntza izango du.
Naturako elementuak oinarri ditu Pilar Soberon herritarraren 'Hodei putzua. Jardín vertical' erakusketak. Irungo Menchu Gal aretoan ireki ditu ateak, maiatzaren 12ra arte. Hamar artelan ikus daitezke; batzuk aretoan bertan sortu ditu herritarrak
Martxoaren 8ko kartel lehiaketaren erakusketa martxan da. Martxoaren 6ra arte irekita egongo da.
Brancussi akademiako ikasle beteranoen bigarren erakusketak ateak irekiko ditu. Martxoaren 8a arte zortzi gaztetxoren artelanez gozatu ahalko da.
Maiatza | ||||||
---|---|---|---|---|---|---|
al | ar | az | og | ol | lr | ig |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 |