Urtetik urtera, garatzeko erronkari eutsiz
Maila federatuetan astero lehiatzen duten tenislari askorik ez badago ere, gaztetxo ugari aritzen da Michelingo pistetan entrenatzen. Urtetik urtera, Lasarte-Orian zaletasuna sustatzeko helburua dute klubek

LOKE eta Ostadar SKT dira Lasarte-Orian tenisa jorratzen duten klubak. Baliteke herriko gaztetxoengan beste kirol batzuek arrakasta handiagoa izatea, baina oro har, "pozik" dira duten harrerakin.

Lasarte-Oriako Kirol Elkarteko tenis alorreko arduradun Xabier Gonzalezek azaldu duenez, 50 tenislari inguru dituzte; 40 bat eskola kirolean eta hamar nagusi. Ostadar SKT-n berriz, 24 dira, eta aurten lehenengo aldiz nagusien taldea atera dute.

"Gure helburua aisialdiko kirol ekintza gisa tenisa sustatzea da", adierazi du Ostadar SKT-ko tenis ataleko arduradun Iñaki Altunak. "Saiatu izan gara federatu maiako lehiaketetara joaten, baina errealistak izanik,  gaur egungo egoerara moldatu gara".

Ildo beretik mintzatu da Xabier Gonzalez. "Federatu mailako lehiaketetara joatea zailagoa zaigu, baina gaztetxoenekin ekintza gehiago sustatu ditugu, eta bide horretan egin nahi dugu lan".

Eskola kiroleko txapelketa

Urteroko hitzordua bihurtu da Michelinen egiten duten Gipuzkoako Eskola Kiroleko Tenis Txapelketa.

Aurten, apirilaren 29an hasiko da banakakoa, eta hamar lasarteoriatarrek hartuko dute parte.

Taldekako fase finala, aldiz, maiatza amaieran jokatuko dela jakinarazi dute. Landaberri sailkatuta dago eta, beraz, Michelingo pistetan jokatuko diren partiduetan ikusi ahal izango dituzte bertaratuko diren herritarrek.

Garapena helburu

"Urtetik urtera gaztetxo gehiago" dituztela nabarmendu du Gonzalezek. Txapelketak lagundu du bere ustez. Izan ere, "lehen, maila federatutik kanpo partiduak jokatzeko aukera gutxi zegoen". 

Dena den, bai Altunak baita Gonzalezek ere azpimarratu dute "garrantzitsuena kirolarekin gozatzea eta pixkanaka zaletasuna garatzea" dela.

Beste kirol batzuei "konpetentzia egitea" konplikatua dela konsziente dira. "Hasieran ume askok ematen du izena tenisean, baina etapak amaitzen joan ahala, eta kirol bakarra aukeratu behar dutenean, gutxi geratzen dira hemen", adierazi du Ostadar SKT-ko arduradunak.

Datozen urteetara begira, Lasarte-Oriako kluben erronka nagusia "tenisa landu eta jendartean garatzea" da. Beti ere, "errealistak izanik eta herriko kirolak bizi duen egoera ezagutuz".

 

 

 

 

 

 

 

ARGAZKIAK
blog comments powered by Disqus
ZORION AGURRAK
LEIRE
Zorionak printzesa!!! Hamahiru muxu pottolo pottolo, amatxo, aitatxo eta Iraiaren partetik. Oso ondo pasa.
AZKEN PDFa
1400 ( Azaroak 17 )
GUARDIAKO FARMAZIAK
Acha-Orbea ( Igandea)
Hipodromo etorbidea 6
Tel: 943 363549
ASTEA
    • De Miguel ( Astelehena )
      Kale Nagusia 32
      943 371151
    • Lasa ( Asteartea )
      Kale Nagusia 42 atzea
      943 361774
    • Gil ( Asteazkena )
      Kale Nagusia 24
      943 361529
    • Acha-Orbea ( Osteguna )
      Hipodromo etorbidea 6
      943 363549
    • Urbistondo ( Ostirala )
      San Frantzisko 1
      943 366567
    • Lasa ( Larunbata )
      Kale Nagusia 42 atzea
      943 361774
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48