Goizeko zazpietatik 12:30era eta arratsaldeko bostetatik 21:30era irekiko dute igerilekua, astelehenetik ostiralera. Kiroldegia aldiz, 7:00etatik 13:00etara eta 17:00etatik 22:00etara erabili ahalko dute herritarrek. Sauna 9:00etatik 12:00etara eta 17:00etatik 21:00etara egongo da zabalik; gutxienez erabili baino ordubete lehenago erreserbatu beharko da instalazio hori, eta gehienez 24 ordu lehenago. Astelehenetik ostiralera bitarteko ordutegiak dira horiek.
Larunbat eta jai egunetan aldiz, 9:00etatik 13:00etara irekiko dituzte igerilekua eta kiroldegia. Igandeetan itxita egongo dira.
Kirol guneari dagokionez, astelehenetik ostiralera 10:00etatik 12:30era eta 17:00etatik 21:00etara irekiko dute eta 9:00etatik 13:00etara larunbat eta jai egunetan. Udal kiroldegiaren moduan, itxita egongo da igandeetan.