Ostadar SKTko bazkide izateko kanpaina, martxan
Abenduaren 22ra arte edukiko dute aukera lasarteoriatarrek Ostadar SKT kirol taldeko bazkide egiteko. Kuotak honakoak dira: 16 urte bitartekoentzat, 15 euro; 17 urtetik gorakoentzat, 25; eta, familientzat, 50

Herrian ia 1.000 kirolari mugitzen ditu Ostadar SKTk urtero, hainbat ataletan: futbolean, saskibaloian, ipar martxan, txirrindularitzan, toka eta bolan, mendian, errugbian eta kirol egokituan. Bazkideen ekarpena ezinbestekoa dute, orain arte bezala kirol egitasmoak antolatzen jarraitu nahi badute. 2018ra begirako kanpaina ireki dute honezkero; abenduaren 22ra arte edukiko dute aukera lasarteoriatarrek, apuntatzeko.

Prezioak honakoak dira: 16 urte bitartekoentzat, 15 euro urtean; 17 urtetik gorakoentzat, 25; eta, familientzat, 50. Informazio gehiago nahi duten herritarrek hainbat bide dituzte: joan daitezke Ostadarren bulegora (Geltoki kalea, 25), idatzi dezakete mezu bat ostadar@ostadarskt.eus helbide elektronikora edo deitu dezakete 943 36 04 33 telefono zenbakira. 

Zergatik izan bazkide?

Kanpaina martxan jartzearekin batera, Ostadar SKTk hainbat arrazoi ematen ditu, herritarrak anima daitezen bazkide izatera. "Herrian kirola egin dadin aritzen gara lanean; urtero ia 1.000 kirolari mugitzen ditugu", nabarmendu dute arduradunek. Urtean hainbat kirol egitasmo antolatzen dituzte: Lasarte-Oria Bai! Kros Herrikoia eta Korrika Festa, 3x3 saskibaloi txapelketa herrikoia edota bolo eta toka jardunaldi bereziak, besteak beste.

Bestalde, bazkide izateak abantaila bereziak dituela ere gogoratu dute: kros herrikoian parte hartu nahi duten herritarrek gutxiago ordaintzen dute apuntatzeagatik, eta gabonetako otarre bat irabazteko aukera ere badute. Ostadarrek urtero zozketatzen du bat.

ARGAZKIAK
blog comments powered by Disqus
Lasarte-Oria
Gaur ez dago ekitaldirik Lasarte-Orian.
ZORION AGURRAK
PILI
Zorionak! Make up saioa prestatzen hasi parrandarako! Txintxoa izan! Ttakuneko lankideak.
AZKEN PDFa
1434 ( Irailak 21 )
GUARDIAKO FARMAZIAK
Urbistondo ( Asteartea)
San Frantzisko 1
Tel: 943 366567
ASTEA
    • Gandarias-Uribe ( Asteazkena )
      Iñigo de Loyola 9
      943 019521
    • Orue ( Osteguna )
      Jaizkibel plaza 2
      943 362652
    • De Miguel ( Ostirala )
      Kale Nagusia 32
      943 371151
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    • Lasa ( Astelehena )
      Kale Nagusia 42 atzea
      943 361774
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48