Bi lasarteoriatarrek hartu zuten parte asteburuan Madrilen jokatutako atletismoko Espainiako Etorkizun Txapelketan. 200 metroko lasterketan hirugarren geratu zen Maria Eugi eta jauzi hirukoitzean lehiatu zen Ane Galardi.

Aurkari gogorrak izan zituen aurrean Eugik. Izan ere, podiumeko lehenengo bi kosketara igo ziren Cristina Lara kataluniarrak eta Paula Sevilla gaztelarrak aurretik ezarritako Txapelketako markarik onenak hautsi zituzten. Lasarteoriatarrak, berriz, 24.83 segunduko marka egin zuen finalean, irabazleak baina segundu eskas motelago.

Jauzi hirukoitzeko frogan ez zuen zorte handirik izan LOKE taldeko Ane Galardik, eta ezin izan zuen baleko markarik ezarri. Bere hiru jauziak baliogabekoak izan ziren

Absolutu mailako Txapelketa

Bihartik aurrera beste erronka bat edukiko dute atleta lasarteoriatarrek. Maria Eugi 200 eta 60 metroetan lehiatuko da, eta LOKEko Eneritz Bustok, berriz, 60 metro hesietan hartuko du parte.

Gipuzkoako Txapelketa

Bestalde, Gipuzkoako Absolutu mailako Txapelketa ere jokatu zen larunbat eta igandean, eta LOKEko kirolari ugari izan zen bertan. Eneritz Busto garaile atera zen 60 metro hesien frogan, eta podiumera igo ziren Maider Rekondo –bigarren pisu jaurkiketan– eta Naroa Furundarena –hirugarren jauzi hirukoitzean.

Lander Azkarate, Maider Abete eta Amaia Harto 60 metroko lasterketan; Asier Olmos 800 metrokoan; Xalba Otxandorena 60 metro hesidun lasterketan eta Jon Altuna 400 metrokoan dira beste parte hartzaileak.

 

 

ARGAZKIAK
blog comments powered by Disqus
ZORION AGURRAK
URKO ETA ODEI
Zorionak Urko eta Odei, muxu pila bat familia guztiaren partetik. Zorionak!
AZKEN PDFa
1400 ( Azaroak 17 )
GUARDIAKO FARMAZIAK
De Miguel ( Astelehena)
Kale Nagusia 32
Tel: 943 371151
ASTEA
    • Lasa ( Asteartea )
      Kale Nagusia 42 atzea
      943 361774
    • Gil ( Asteazkena )
      Kale Nagusia 24
      943 361529
    • Acha-Orbea ( Osteguna )
      Hipodromo etorbidea 6
      943 363549
    • Urbistondo ( Ostirala )
      San Frantzisko 1
      943 366567
    • Lasa ( Larunbata )
      Kale Nagusia 42 atzea
      943 361774
    • Lasa ( Igandea )
      Kale Nagusia 42 atzea
      943 361774
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48