Ederki aritu ziren herriko hainbat mendi lasterkari pasa den asteburuan Beasainen jokatutako Marimurumendi proban. 42 kilometro pasatxoko ibilbidea osatu zuten.
Zazpi lasarteoriatarrek ekin zioten probari, baina bost iritsi ziren helmugara: Javier Olazagoitia (46. izan zen, 4:59:46ko denborarekin), Jose Ignacio Elvira (47. 4:59:48ko denborarekin), Jose Ramon Mendizabal (79. 5:32:12ko denborarekin), Joseba Iparraguirre (80. 5:32:12ko denborarekin) eta Iraitz Pikabea (177. 7:38:43ko denborarekin). Peio Fadrique eta Josean Hernandezek erretiratu egin behar izan zuten, nekeagatik eta bizkarrean jasotako kolpe gogor baten ondorioz, hurrenez hurren.