Datorren larunbatean, otsailaren 28an, Astigarragako Zipotza Elkartean Gipuzkoako finala jokatzeko aukera izango dute. Ez da Arteaga eta Izagirrek eskuratutako sari bakarra izango, Riojanos erretegian ere afaria irabazi baitute Lasarte-Oriako txapeldunek.
Badator Korrika
Hilabete eskas falta da 19. Korrika Lasarte-Oriara irits dadin. Aurrez, herriko korrikaren aurkezpena martxoaren 13an egingo da Manuel Lekuonan. Txalapartariak, desfilea, batukada, bertsoak, dortsal banaketa etab. egingo dira. Gau horretan bertan zinea eta bertso-korrika ere izango dituzte herritarrek gozagarri. Martxoaren 18an Korrika Txikia ospatuko da herriko ikastetxeekin eta martxoaren 22an, eguerdian, pasako da Korrikaren 19. edizioa Lasarte-Oriatik.
Bestalde, asteazkenean Korrikaren materiala merkatuan jarriko dute salgai AEK-ko lagunek. Eguraldi ona egiten badu, Brigiden komentuaren pareko postu batean kokatuko dira kamisetak eta jertseak saltzeko.