Partiduen egunak eta orduak finkatu dituzte honezkero antolatzaileek. Udal Kiroldegian jokatuko dira guztiak. Larunbatean (hilak 10), 10:00etan, Galizia eta Easo SBTk jokatuko dute elkarren aurka; 11:45ean berriz, Euskadik eta Asturiasek; 16:15ean Easo SBT eta Asturias ariko dira; eta 18:00etatik aurrera, Euskadi eta Galizia. Igandean (hilak 11) beste bi partidu jokatuko dira: Asturias-Galizia 10:00etan, eta Euskadi-Easo SBT 12:00etan.
3x3 txapelketa
Bestalde, urteari amaiera ezin hobea emateko, 3x3 txapelketaren laugarren edizioa antolatu du Ostadar SKTk. Abenduaren 30ean jokatuko da, Udal Kiroldegian. Antolatzaileek jakinarazi dutenez, izen-emate epea irekita dago honezkero. Interesa daukaten taldeek Ostadarren Geltoki kaleko bulegora joan beharko dute. Bestela, 677 163 751 telefono zenbakira ere deitu dezakete. Adin-tarte guztientzako jokalarientzat tartea dagoela ere azpimarratu dute.
Bestalde, jakinarazi nahi dute hasiera batean 20 euroko kuota jarri dutela, kamiseta bereziak egin nahi dituztelako. Dena den, ideia aurrera aterako ez balitz (7-10 egun barru jakingo dute), 10 eurokoa litzateke, iaz bezala.