Gustuko dut garaian garaiko kontuetaz idaztea txoko honi dagokion iritzi artikuluan. Gure Esku Dagoren galdeketaz galdeketaren bezperan, gabonei lotutako zerbait eguberrien bueltan, futbolari buruz derbiaren itzalean. Horregatik, turistari keinu txiki bat uztail betean.TSST autobus konpainiaren kotxerak, hain zuzen ere. 

Arreta kendu dit berriki irakurtzeak Bartzelonako herritarren lehen kezka iturri ez dela korrupzioa edo autodeterminazio galdeketa, ezta egoera ekonomikoa ere, turismoa baizik. Gehiegizko turismoa. Diru sarrera handia izanagatik, kezka bihurtu da Bartzelonako hirian. Hori irakurri eta lan kontuengatik hara joatea egokitu zait berriki eta…bertatik bertara ulertzen dira gauzak. Ez nau harritzen bertakoen egonezinak. Kale bazter guztiak atzerritarrez josita daude. Katalana baino gehiago entzuten den hizkuntza ez da gaztelera; ingelesera, frentsesera, errusiera eta beste batzuk baizik.

Horrek hiriaren arima ikuitzen du, edozein herri edo hiri zapaltzerakoan hango, bertako, lekuko jende, ohitura, hizkera eta idiosinkrasia bizi nahi izaten dituzu bixitari zarenean. Bartzelonako kasuan, bertakotasuna izkutatzen ari da gainezkako turismoarekin, eta hori bada kezkarako iturri. Eta, beste neurri batean bada ere, ez al da Donostian gauza bera gertatzen ari? Ni neu, geroz eta deserosoago ari naiz sentitzen Boulebarrean, alde zaharrean eta, orohar, hiri osoan. Garai bateko Donostia ari naiz faltan botatzen eta daraman bideak geroz eta atzerago utziko du gogoan dugun hura. Berandu ote dagoeneko? Nola kudeatu errealitate hori? Ez dut arrastorik ere.

Bien bitartean, hemen, Lasarten, ez dugu arazo hori. Behin ikusi nuen turista bat, motxila bizkarrean, gure kaleetan eta berehala esan nion neure buruari: turista bat gurean? Hau galduta zebilek! Jarrai dezatela etortzen gutxi batzuk, galdutako aleak.

 

blog comments powered by Disqus
OHARRAK
  • Odol-ateratzearen egun aldaketa
    Lasarte-Oriako odol emaileen elkarteak ohartarazten du, hilabete honetan azken astelehena Eguberri eguna izanik, odol-ateratzeen eguna aurreratzen dela. Hilabete honetako hitzordua, beraz, abenduaren 22ean, ostirala izango da. Beti bezala Osasun Zentroan eman ahal izango da odola, 17:30etik 20:30era. Anima zaitezte, odola ordezkaezina da eta odol falta dago!
  • EHP sarreren salmenta eta taberna kudeatzeko gonbidapena
    Lasarte-Oriako Udalak herriko irabazi-asmorik gabeko elkarte eta entitateak (kirol-taldeak eta kultura-taldeak, elkarte solidarioak, etab.) abenduan Michelingo frontoian antolatu ohi den Eguberrietako Haurren Parkeko (EHP) sarreren salmentaren eta tabernaren kudeaketan parte hartzera gonbidatzen ditu. Hautatutako taldearen erantzukizuna izango da EHPko sarreraren kontrola bezala tabernaren kudeaketa ere EHPa irekita dagoen orduetan. Salmentarako sarrerak (helduek, euro batean) Gazteria, Festak eta Kirolak departamentutik emango dira zuzenean. Tabernaren kudeaketak haren horniketa eta ustiaketa inplikatuko du, eta lortutako irabaziak, berriz, hautatutako taldearentzat izango dira osorik. Oraingo honetan, aukera izango da sarreren kudeaketaz bakarrik arduratzeko. Laneko egunak 9 izango dira, eta Interesaturik dauden talde eta entitateek aldez aurretik justifikatu beharko dute hura kudeatzeko gaitasun eta pertsonal nahikoa badaukatela. Prozedura honako hau izango da: Deialdi irekia egingo zaie udalerriko talde eta entitate guztiei. Interesatuek eskaera bat aurkeztu beharko dute abenduaren 14a baino lehen udaletxeko erregistroan. Onartutako eskaera guztiekin lista bat egingo da, eta zozketa eginez zehaztuko da zeinek kudeatuko duen 2017ko Eguberrietako Haurren Parkea. Lortutako zerrenda hori datozen urteetan Eguberrietako Haurren Parkea zein taldek edo entitatek kudeatuko duen erabakitzeko erabiliko da, zerrenda horretan zenbatgarren dauden kontuan izanda.
  • Inauteriak prestatzeko bilera
    Datorren abenduaren 13an, 18:00etan, 2018ko Inauteriak prestatzeko bilera egingo da kultur etxean. Bertan parte izan nahi duten talde guztiak animatzen ditu udalak hurbiltzera
  • San Tomaseko postu eskaera
    San Tomas arratsaldean azoka egongo da Okendo plazan. Honetan Ttakunek jartzen duen talo postu eta txerriaz gain, azken urteetan herriko hainbat elkartek edo norbanakoek txistorra, salda, tortila edo gozokiak saltzen dituzte haien ekimenetarako dirua biltzeko. Azokan parte hartu nahi dutenek, abenduaren 18a baino lehen egin behar dute eskaera. Bi baldintza bete behar dira batetik eguneko giroan txertatzea, hau da, baserritarrez jantzia joan eta postua apaintzea eta bestetik, harrera euskaraz egitea. Postua eskatu nahi dutenek kultura@ttakun.eus-era mezua bidali behar dute.
Lasarte-Oria
Gaur ez dago ekitaldirik Lasarte-Orian.
ZORION AGURRAK
LIBE
Zorionak guapixima!!! Ondo disfrutatu zure hamarkada berria. Hamar muxu denon partetik.
AZKEN PDFa
1402 ( Abenduak 1 )
GUARDIAKO FARMAZIAK
Acha-Orbea ( Asteazkena)
Hipodromo etorbidea 6
Tel: 943 363549
ASTEA
    • Urbistondo ( Osteguna )
      San Frantzisko 1
      943 366567
    • Gandarias-Uribe ( Ostirala )
      IƱigo de Loyola 9
      943 019521
    • De Miguel ( Larunbata )
      Kale Nagusia 32
      943 371151
    • De Miguel ( Igandea )
      Kale Nagusia 32
      943 371151
    • Orue ( Astelehena )
      Jaizkibel plaza 2
      943 362652
    • De Miguel ( Asteartea )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48