Ezpainetan Habanera doinu ezagun eta goxoa txistukatuz zihoala egin dut topo goizean atartean postariarekin. Diosalarekin batera, umore onez dagoela adierazi diot, eta berak baietz, gogoko duela oso uda sasoia, fakturak beharrean munduko txoko desberdinetako postalak banatzen dituelako; batzuk urrutikoak, zenbait exotikoak,  hainbat tokitakoak… postaria gustura aritzen da lanean noizbait bera ere horrelako lekuren batera iritsiko den egunaren zain: Thailandiako curry-aren usaina hartzen du, edo Habanako bainila, ron eta kanelarena, edo Veneziako gondola batean doa kulunkan, edo Alpeetako malkarretan gora… 

Postaletako argazkien bidez ezagutu genituen txikitan munduko hainbat leku miresgarri; senideen arteko harreman estuari eutsiz, aitona-amonei non ginen adierazteko idazten genien, edo osaba-izebaren batek haiei (eta guk beren etxean postala ikusi), edo lehengusuen arteko harreman idatzia… Argazkietan ageri ziren Florentziako ufizzitarren galeriak, Erromako plazak, Afrikako basamortua eta piramideak edo Mediterraneo itsasoa, besteak beste.

Gaur, ordea, nork idazten eta bidaltzen ditu postalak? Ez dut aspalditxoan horrelakorik jaso. Nori saltzen dizkiete oroigarri dendetan ikus ditzakegun postal horiek? Asmatu duzu, bai. Bildumazaleek erosten dituzte, haien paperezko mundua osatzeko: argazkiak atera beharrean, eta disko gogorrean betirako ahaztu, beraiek bisitatutako leku horien argazki ederrak (postalak zer dira, bestela) eskuratu eta mapamundi partikularra osatzen dute bidaiari bildumazaleek.

Hainbatek pentsatuko du postala bidaltzen duenak harrokeriaz egiten duela, etxean geratu denari  zein urrutira joan den adierazteko, hain zuzen; usteak erdia ustel, ordea. 1.000 km-ra egon arren gogoan zaitudala adierazteko egiten dut. Abestiak dioen lez, Zaindu maite duzun hori. Eman poza postariari ere

blog comments powered by Disqus
OHARRAK
  • Texas Lasartearraren infantilen deialdia
    Texas Lasartearra futbol taldeak 2004. eta 2005. urtean jaiotako haurrei deialdia egiten die 2018-2019 denboraldiko infantil mailako taldea osatzeko. Saioak ekainaren 5, 6 eta 7an izango dira Michelingo futbol zelaian, 17:00etatik 18:30era. Informazio gehiago texaslasartearra@gmail.com helbidean edo 646 197 292 telefonoan eskuratu daiteke.
  • Compak Sporting txapelketa
    Buruntz-Azpi ehiza elkarteak Compak Sporting txapelketa antolatu du ekainaren 3an, igandea, Arkalen. Izena eman nahi duten bazkideek elkartean egin dezakete.
  • 50. urteurreneko emanaldia
    Urriaren 20an, Erketzek 50. urteurreneko emanaldia eskainiko du. Hau prestatzen hasteko asmoz, taldeko kide izan diren dantzariei bilera batera gonbidatu nahi die dantza taldeak. Bilera maiatzaren 31an, osteguna, 19:30ean da, Manuel Lekuona Kultur etxean.
  • Odol ateratzea
    Hilabeteko azken astelehenean, maiatzaren 28an, eman ahal izango da odola Osasun Zentroan, 17:30etik 20:30era. Anima zaitezte, odola ordezkaezina da eta odol falta dago!
Lasarte-Oria
Gaur ez dago ekitaldirik Lasarte-Orian.
ZORION AGURRAK
MADDI
Zorionak Maddi! Oso zoriontsu egin gaituzu bost urte hauetan! Asko maite zaitugu! Unax, Oier, aita eta ama.
AZKEN PDFa
1423 ( Maiatzak 25 )
GUARDIAKO FARMAZIAK
Urbistondo ( Astelehena)
San Frantzisko 1
Tel: 943 366567
ASTEA
    • Acha-Orbea ( Asteartea )
      Hipodromo etorbidea 6
      943 363549
    • Gil ( Asteazkena )
      Kale Nagusia 24
      943 361529
    • Gandarias-Uribe ( Osteguna )
      IƱigo de Loyola 9
      943 019521
    • Orue ( Ostirala )
      Jaizkibel plaza 2
      943 362652
    • Orue ( Larunbata )
      Jaizkibel plaza 2
      943 362652
    • Orue ( Igandea )
      Jaizkibel plaza 2
      943 362652
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48