Maiatzeko asteburu arrunt batean, kirolaren inguruan, familiartean, lagunartean, guztion artean ametsetan; Anoeta estadioan.

Normalean gizonezkoentzat soilik ireki ohi duten berdegunearen inguruan 20.000 lagun bildu ginen. Zelaian 22 jokalari, 3 epaile eta baloi bat. Bi astean behin ematen den errutina esango dute askok; 22 gizon baloi baten atzetik korrika dioen topikoa beste askok; futbolaren negozioaren inguruan jendetza, ohiko lez, deitoratuko dute hainbatek.

Berdegunean geundenontzat ordea, ez zen errutina, ametsa baizik.  Futbola emakumeena ere badela erakusten aritu ziren, ze arraio emakumeena ere badela? Futbola ez ote da ba gehiago emakumeena gizonezkoena baino? Zergatik ez? Negozioaren ikuspegitik begiratuta oso urrun. Hemen ez daude milioiak tartean, hemen ez daude futbol negozio horrek mugitzen dituenaren ageriko aztarnarik. Kirolaren funtsetik hurbil. Lehia garbiagoa, justuagoa eta atseginagoa. Hitz itsusi gutxi, lehiaketa berdina, baina oinarrian futbola bera; purua, garbia, autentikoa, garaipen gosea pizten duen partidu horietakoa eta derbia gainera; derbi sanoa. 

Badoa pausoz pauso emakumezkoen kirola aurrera, jendearen ahotan dabil kalean, egunkarietan, astebururo telebistan izar iheskorren moduan  bada ere, baina oraindik ere ez da iritsi inoren erraietara. San Juan bezperako suaren antzera itzali egiten dira Anoetakoa bezalako ekitaldiak. Jarraipen falta nabaria da edozein kiroletan. Bera Berak liga irabazi du, belar hockeyko neskak lauko finalean daude, Maialen olinpiadetan nagusi izan genuen bai, baina distira hori eguneroko munstroak irensten du. Gure gizartearen erraietan ederki bizi den munstroak. Egunero elikatzen dugun munstroak eta nik neronek ere, nahi gabe bada ere, barruan daramadan izaki beldurgarriak. Barrutik kanpora atera nahian ibili zale garenok, badakizue zertaz ari naizen. Gizarte gaixo honetan kirola berdintasunaren aldarri izatea libre da, baina egunerokotasuneko ñabardura ñimiñoetan dago guzti honen giltza. Hezkuntzan neurri handi batean.

Eguneroko bizipenetan , uneoro presente daukagun munstro horren bidelaguna izan eta pixkanaka Anoetatik etxera, etxetik ikastolara. Desagertarazteko pausoak emanaz edo parekide den munstro garbiago, zuzenago edota justuagoa bat jaio dadin lan eginez.

Lagun handi bati irakurri nion bezala: "Gaur Anoetan ikusi duguna ea hemen bildu diren txikientzat egunerokoa bihurtzen den".

 

blog comments powered by Disqus
OHARRAK
  • San Silvestre boluntario bila
    Iaz parte hartu zuten 90 boluntarioei eskerrak eman dizkie San Silvestre lasterketako antolakuntzak. Era berean, herritarrak animatu nahi ditu aurtengo edizioan laguntzera. "Boluntario-lana erraza da eta denbora-tarte laburrekoa. Zure laguntza oso garrantzitsua da eta talde-lan ederrean parte hartzeko aukera izan dezakezu. Animatu eta jar zaitez gurekin harremanetan horretarako dugun San Silvestre Lasarte-Oria facebook-eko perfilean edo info@sansilvestrelasarteoria.com".
  • Korrikako postua San Tomasetan
    Abenduaren 21ean, San Tomas azokan, 21. KORRIKAko arropen postua jarriko du Lasarte-Oriako Muntteri-AEK euskaltegiak, 18:00tik 20:00ra, Okendo enparantzan.
  • Ostadarrek hasi du bazkidetza kanpaina
    2019. urteko bazkidetza kanpaina hasi du Ostadar SKTk. Hainbat kuota dituzte, adinaren arabera. Kirol proiektua laguntzen dutenek hainbat abantaila eta deskontu dituzte Ostadarren ekitaldietan. Informazio gehiago http://www.ostadarskt.eus/ webgunean.
  • Beltzak taldeko zestoa
    Beltzak Errugbi Eskolako zesto handia abenduaren 21ean zozketatuko dute, ONCEko zozketaren azken lau zenbakiekin. Errifak taberna laguntzailetan daude.
  • Erketzen Eguberri errondako entseguak
    Erketz EDT taldea abenduaren 24ean herriko baserrietatik kantari irtengo da. Hitzordua prestatzeko bi entsaio egingo ditu abenduaren 13 eta 20an 20:00etan taldeko lokalean, KZgune ohia..
ZORION AGURRAK
MARILUZ ETA EUSEBIO
Zorionakkkkk aitona-amona zuen urtebetetzeengatik!!! Ondo pasa eta muxu pila zuen biloba Eneritz, Eñaut eta Laiaren partetik.
AZKEN PDFa
1444 ( Abenduak 14 )
GUARDIAKO FARMAZIAK
Urbistondo ( Astelehena)
San Frantzisko 1
Tel: 943 366567
ASTEA
    • Gil ( Asteartea )
      Kale Nagusia 24
      943 361529
    • Orue ( Asteazkena )
      Jaizkibel plaza 2
      943 362652
    • Acha-Orbea ( Osteguna )
      Hipodromo etorbidea 6
      943 363549
    • Lasa ( Ostirala )
      Kale Nagusia 42 atzea
      943 361774
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48