Zer nahi duzu lehendabizi? Albiste ona ala txarra? Nork ez du inoiz halako galderarik egin? Galdera hori egin izan didatenetan, gehienetan, nik behintzat, txarretik hasi nahi izaten dut ahalik eta ondoen amaitu eta aho zapore gozoarekin geratzeko. Neure buruari egiten diodan tranpatxoa da, badakit, baina hori ere baleko izaten da askotan. Oraingoan atzekoz bestera egingo dut ordea: umoretik hasi eta erremediorik gabe, serio bukatuko dut. Cifuentes andereak, Madrilgo presidenteak, ustez masterrik egin ez eta bere kurrikulumean sartu izanak algara eragiten du. Iruzurra, gezurra, ridikulua eta beste hainbat gauza egin ditu “ustez” (ez dago epairik oraindik baina…) PPko agintariak. Besterenganako lotsa sentiarazi dit, berak, itxura batean sentitu ez duen lotsa sentitu dut nik haren agerraldi bakoitzean. Kulturistek egunero lantzen dituzte giharrak gero sendo itxuran agertzeko, intelektualki sendo itxuran agertu nahi izan du Cifuentes andereak baina master bat egiteak eskatzen duen eguneroko lanik egin gabe. Tormesko itsumutilaren eskolakoa atera zaigu, pikareskaren eskolakoa. Barregarri geratu da ordea putzutan harrapatu dutelako, mingain gaiztoen esanetan PPren barruko arerioek argibideak filtratu ostean. Trufa, iseka eta halakoetarako gogoa ematen du hasiera batean baina pentsatzen hasita negarguretik gehiago izan beharko genuke. Gisa honetako agintariak merezi dituzte madrildarrek? Eta okerrago oraindik: eskola horretako kideak dituen alderdi baten esku dago estatuko gobernua? Zipristinak beti harrapatzen du urrun dagoela uste duena ere: geu agian. Sentitzen dut ilunetik amaitu izana baina ezingo didazue leporatu iragarri ez dudanik. Ah, nik ez dut masterrik, ez egiazkorik ez eta oparitutakorik ere. Lasai ederrean nago.

blog comments powered by Disqus
OHARRAK
  • Hernani bidea itxiko dute
    Aurrera doaz Zabaleta Berriko lanak. Jarraitzeko, ordea, Hernaniko bidea itxiko dute. Lanen zuzendariak Txintxarri-ri azaldu dionez, hurrengo astetik aurrera itxiko dute bide hori. Hain zuzen, Pepenea baserria eta Hernaniko muga bitartean egongo da itxita. Baimena eskatu dute dagoeneko udalean, eta jaso bezain pronto itxiko dute errepidea. Ondorioz, astelehenean edo, beranduenez, asteartean ezin izango da errepide hori erabili. Bide alternatiboak jakinarazteko seinaleak jarriko dituzte. Hilabete pare bat behintzat egongo da itxita. Lanetako zuzendariak azaldu duenez, baimena iraila bukaera arte eskatu dute, baina litekeena da lehenago amaitzea.
Lasarte-Oria
Gaur ez dago ekitaldirik Lasarte-Orian.
AZKEN PDFa
1431 ( Uztailak 27 )
GUARDIAKO FARMAZIAK
Gil ( Asteartea)
Kale Nagusia 24
Tel: 943 361529
ASTEA
    • Lasa ( Asteazkena )
      Kale Nagusia 42 atzea
      943 361774
    • Urbistondo ( Osteguna )
      San Frantzisko 1
      943 366567
    • Gandarias-Uribe ( Ostirala )
      IƱigo de Loyola 9
      943 019521
    • De Miguel ( Larunbata )
      Kale Nagusia 32
      943 371151
    • De Miguel ( Igandea )
      Kale Nagusia 32
      943 371151
    • Orue ( Astelehena )
      Jaizkibel plaza 2
      943 362652
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48