Badatoz Inauteriak eta, urtero lez, lasarteoriatarrok, mozorroak soinean, kalera atera eta festan murgilduko gara. Beteta ikusiko ditugu herriko kale eta plazak, eta jai giroa familia zein lagunartean gozatzeko probestuko. Baina, aldera dezagun argazki koloretsu hori, urteko asteburu arrunt batekin. Kaleak erdi hutsik, tabernak topera.

Taberna da nagusi asteburuz, bertan egin ohi du festa gazteriak. Badira batzuen gozamena posible egiteko bitarte horretan lanean aritzen direnak, baita tabernetara bertaratu ez eta lagunen lokalean geratzea nahiago dutenak ere. Kalean, ordea, ezer gutxi. Musika, antzerki, dantza, pintura edota beste edozein diziplina artistikoren emanaldiek biziberritu litzateke gure txokoak, baina herriko plaza erdi hutsik topatu ohi dugu astebururo, baita bertako eszenatokia ere, sortzaile lasartearren topaleku izan litekeen hori bera. Kultur egitasmoek badute tartea herriko zenbait gunetan, eta ziurrenik lerrook irakurtzen dituzten hainbat pertsonak hartuko dute parte halako jardueretan. Erronka, ordea, sormena kalera ateratzea da, bertan eratzen baita, azken batean, begirada ezberdinen arteko elkartruke aberatsena. 

Kulturaz ari garenean, batzuek nahiago izaten dute kontsumo hitza alboratu, sormenarekin loturiko ekimenak merkatu kutsuko adierarekin lotzea ekiditeko asmoz. Bada, hain zuzen horregatik, hausnartzeko modukoa da kulturarekiko dugun jarrera; baita berau besarkatu eta sustatu ordez, gehiengo zabalaren aisian jana eta edana nagusitzea ere. Tabernarien lana estimatzekoa da, noski, eta guneok ere badira herritarren beharrezko topagune. Baina gogora dezagun, herria bizirik mantentzeko, ezinbesteko dela sormena plazara eraman eta denon artean kontsumitzea.

blog comments powered by Disqus
OHARRAK
  • San Silvestre boluntario bila
    Iaz parte hartu zuten 90 boluntarioei eskerrak eman dizkie San Silvestre lasterketako antolakuntzak. Era berean, herritarrak animatu nahi ditu aurtengo edizioan laguntzera. "Boluntario-lana erraza da eta denbora-tarte laburrekoa. Zure laguntza oso garrantzitsua da eta talde-lan ederrean parte hartzeko aukera izan dezakezu. Animatu eta jar zaitez gurekin harremanetan horretarako dugun San Silvestre Lasarte-Oria facebook-eko perfilean edo info@sansilvestrelasarteoria.com".
  • Korrikako postua San Tomasetan
    Abenduaren 21ean, San Tomas azokan, 21. KORRIKAko arropen postua jarriko du Lasarte-Oriako Muntteri-AEK euskaltegiak, 18:00tik 20:00ra, Okendo enparantzan.
  • Ostadarrek hasi du bazkidetza kanpaina
    2019. urteko bazkidetza kanpaina hasi du Ostadar SKTk. Hainbat kuota dituzte, adinaren arabera. Kirol proiektua laguntzen dutenek hainbat abantaila eta deskontu dituzte Ostadarren ekitaldietan. Informazio gehiago http://www.ostadarskt.eus/ webgunean.
  • Beltzak taldeko zestoa
    Beltzak Errugbi Eskolako zesto handia abenduaren 21ean zozketatuko dute, ONCEko zozketaren azken lau zenbakiekin. Errifak taberna laguntzailetan daude.
  • Erketzen Eguberri errondako entseguak
    Erketz EDT taldea abenduaren 24ean herriko baserrietatik kantari irtengo da. Hitzordua prestatzeko bi entsaio egingo ditu abenduaren 13 eta 20an 20:00etan taldeko lokalean, KZgune ohia..
ZORION AGURRAK
MARILUZ ETA EUSEBIO
Zorionakkkkk aitona-amona zuen urtebetetzeengatik!!! Ondo pasa eta muxu pila zuen biloba Eneritz, Eñaut eta Laiaren partetik.
AZKEN PDFa
1444 ( Abenduak 14 )
GUARDIAKO FARMAZIAK
Gil ( Asteartea)
Kale Nagusia 24
Tel: 943 361529
ASTEA
    • Orue ( Asteazkena )
      Jaizkibel plaza 2
      943 362652
    • Acha-Orbea ( Osteguna )
      Hipodromo etorbidea 6
      943 363549
    • Lasa ( Ostirala )
      Kale Nagusia 42 atzea
      943 361774
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    • Gandarias-Uribe ( Astelehena )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48